Venres, 20 Novembro 2020 08:45

XIX Concurso de Postais e Felicitacións de Nadal 2020

XIX Concurso de Postais e Felicitacións de Nadal 2020

O Concello de Soutomaior convoca a XIX edición do Concurso de Postais e Felicitacións das festas de Nadal e Aninovo co que se pretende promover a reflexión sobre o significado desta celebración e os seus valores na sociedade actual; apoiar a participación da mocidade no ámbito artístico e creativo e fomentar o uso da lingua galega. 

Dadas as actuais circunstancias derivadas da COVID-19 a edición deste ano está adaptada ás novas circunstancias co fin de posibilitar a participación con seguridade e cumprindo todas as normas e medidas sanitarias. A entrega de postais e felicitación realizarase a través da web:

https://gabinetesoutomaior.com/index.php/programas-xuventude/concurso-postais-de-nadal-2020

Esta web ten un funcionamento moi sinxelo: para recoller os datos conta cun formulario de inscrición que recolle os datos básicos de participación (nome e apelidos, idades, categorías, contacto, etc) e á súa vez xa conta cun apartado que permite seleccionar o formato e modalidade na que se participa para que as persoas poidan ou ben subir a imaxe da súa postal  (simple ou tridimensional) ou ben subir  a URL do vídeo se o que queren e participar no formato audiovisual. Tamén se pode enviar o vídeo á OMIX por whatsAPP ó número 638822868

 

Os formatos de presentación e categorías por idades son: 

POSTAIS- MODALIDADE SIMPLE (sen volume)

  • Categoría A: idades de 2 a 4 anos
  • Categoría B: idades de 5 a 8 anos
  • Categoría C: idades de 9 a 12 anos
  • Categoría D: idades de 13 a 18 anos

POSTAIS- MODALIDADE TRIDIMENSIONAL-VOLUMINOSA (con volume, altura, anchura e profundidade). 

  • Categoría T1: 5 a 8 anos
  • Categoría T2: 9 a 12 anos
  • Categoría T3: 13 a 18 anos

FELICITACIÓN AUDIOVISUAL - MODALIDADE VÍDEO

  • Categoría A1: 5 a 8 anos
  • Categoría A2: 9 a 12 anos
  • Categoría A3: 13 a 18 anos
  • Categoría AF: familiar. Todas as idades.

Outra das novidades desta edición é a incorporación da categoría familiar na modalidade audiovisual para que poida participar toda a familia.

A maiores do xurado que seleccionará as postais máis creativas, innovadoras, orixinais, etc. tamén haberá unha votación popular mediante a cal todo o mundo poderá votar por aquela postal que máis lle gusta. A máis votada en cada modalidade recibirá un premio específico.

 

O listado de premios consta de: lotes navideños e cestas, vales por diferentes importes para canxear no comercio e hostalaría local e un agasallo para todas as persoas que participen.

A entrega de premios este ano tamén será diferente. Para evitar concentracións e aglomeracións e tendo en conta as restriccións sanitarias os premios entregaranse nos domicilios das persoas antes do día 24 de decembro.Concertarase previamente coas persoas a visita para que Papá e Mamá Noel entreguen estes premios. 

Con respecto ó agasallo de participación poderá recollerse na OMIX, previa cita, ou ben se se participa a través dun centro educativo poderá recollerse no propio centro. 


Prazo de presentación

O prazo de presentación para todas as modalidades REMATARÁ O MÉRCORES 16 DE DECEMBRO ÁS 14.00 HORAS. 

A votación popular na web pecharase o domingo 20 de decembro ás 23.00 h

As bases completas cos premios e demais información poden descargarse aquí ou na web do propio concurso.

Ante calquera dúbida podedes contactar coa OMIX nos números 986700822, 638822868 ou ben no correo Este enderezo de correo está a ser protexido dos robots de correo lixo. Precisa activar o JavaScript para velo.


Publicado en Xuventude
Visto 74 veces


Concellería de Xuventude

XIX Concurso de Postais e Felicitacións …

20-11-2020 Xuventude

O Concello de Soutomaior convoca a XIX edición do Concurso de Postais e Felicitacións das festas de Nadal e Aninovo co que se pretende promover a reflexión sobre o significado...

Campaña "Heroínas e Heroes con máscara"

12-11-2020 / Xuventude

O Concello de Soutomaior con esta campaña dirixida á mocidade quere promover a sensibilización sobre o uso da máscara cando compartimos espazos con outras persoas coas que non convivimos e non podemos manter a distancia de seguridade. Aínda que non é o único  elemento preventivo fronte á pandemia COVID-19 é un dos importante para evitar os contaxios e que se...

Actividades de Xuventude para o 4º trimestre. Prazo aberto desde 1/09/2020

19-08-2020 / Xuventude

O Concello de Soutomaior abre o prazo de inscrición en liña das Escolas de Teatro, Debuxo e Pintura, Guitarra española, Latinos, Danza do Ventre e Danzas Urbanas HIP HOP. Este ano tamén se convoca a actividade de inglés para idades a partir dos 13 anos. Os grupos serán moi reducidos porque as clases serán moi prácticas e interactivas para mellorar...

Programa xuvenil de actividades xullo- agosto

18-06-2020 / Xuventude

O Concello de Soutomaior abrirá este venres 19 de xuño o prazo de inscrición para participar nas actividades xuvenís programadas para o mes de xullo e agosto de 2020. As actividades este ano cambian o seu formato en canto a número de prazas e funcionamento para adaptarse ás condicións establecidas polas autoridades sanitarias en relación á situación derivada pola COVID-19. Para...

Penso, logo existo... en galego! Soutomaior conmemora o día das Letras Galegas 2020

11-05-2020 / Xuventude

Co gallo do Día das Letras Galegas que se conmemora o día 17 de maio o Concello de Soutomaior, a través da Concellería de Xuventude, promove esta campaña nas que se relaciona comunicación, tecnoloxía, mocidade e lingua galega. A campaña pretende dinamizar o uso da lingua galega entre a mocidade nas súas relacións diarias e no uso das redes sociais...

XIII edición do certame literario “ Verbas para…comunicar”

17-01-2020 / Verbas para... comunicar

Un ano máis, e xa  van trece, as mellores plumas novas de Soutomaior teñen ocasión de mostrar a súa valía no certame literario “ Verbas para…comunicar”. Organizado pola Concellería de Xuventude do Concello de Soutomaior, e con motivo da celebración do Día das Letras Galegas, este certame pretende potenciar o uso da lingua galega, o seu gran valor literario e...

TV Concellería de Xuventude