Luns, 25 Abril 2022 09:58

Varias centenas de persoas acudiron á primeira Feira do Libro de Soutomaior

Varias centenas de persoas acudiron á primeira Feira do Libro de Soutomaior

Tras semanas anunciándoo, o pasado venres e sábado, a  veciñanza de Soutomaior por fin puido gozar da primeira Feira do Libro que se organiza no Concello. O evento, enfocado principalmente a ofrecer unha alternativa de lecer a todas as familias, contou cunha boa parte de animación infantil, aínda que tampouco faltaron as presentacións de libros enfocadas ao público adulto, como a de ‘En tempo de desconto’ (Galaxia) do escritor Xosé Ramón Pena, ou a charla sobre cómic impartida por Abraham Carreiro e Octavio Beares.

O evento foi todo un éxito. Todos os talleres programados ( ‘Crea ou  teu  xornal’; ‘Explora e experimenta’ e ‘Aprende a facer un cómic’) cubriron todas as súas prazas. Ademais, pola carpa que se instalou na Alameda de Talo Río para protexer aos visitantes da choiva, pasaron ao longo dos dous días de Feira varios centos de persoas. Entre elas o Secretario Xeral de Políticas Culturais da Xunta, Anxo Manuel Lorenzo, que chegou a Soutomaior para demostrar o apoio da Xunta ás iniciativas deste tipo que se teñen organizado no Concello.

Doutra banda, a mascota  ROTI ocupouse de manter á  cativada ocupada, cun pasaporte literario que os levou a percorrer todos os postos da feira en busca duns selos que máis tarde intercambiarían por papeletas para o sorteo final de premios. No devandito sorteo, preto de medio centenar de visitantes puideron levar a casa un kit con agasallos que incluía libros,  marcapáxinas e demais obsequios relacionados coa literatura.

Péchase así unha Feira do Libro na que se superaron todas as expectativas de asistencia, a pesar das fortes choivas que acompañaron durante as dúas xornadas. O resultado foi un evento no que, ademais, apostouse  polo talento local, dando prioridade aos veciños e veciñas que, dun ou outro modo, están relacionados co mundo da literatura.

Para o ano que vén espérase unha Feira do Libro aínda mellor, na que reparar os erros que puidesen xurdir nesta primeira edición froito da inexperiencia, e onde se repitan todos os éxitos logrados.


Publicado en Soutomaior de Libro
Visto 820 veces

Ensino

Pechamos Divulgaciencia ca gran Feira da Ciencia de Talo Río

Pechamos Divulgaciencia ca gran Feira da Ciencia de Talo Río

05-05-2023 / Divulgaciencia (Ensino)

Pechamos unha nova edición de Divulgaciencia ca gran Feira da Ciencia que celebramos onte en Talo Río. Media centena de alumnos e alumnas expuxeron os seus proxectos e outros tantos participaron nas múltiples visitas guiadas que se celebraron ao longo do día.  Ademais, houbo tempo para entregar felicitar aos premiados e para un espectáculo científico que deixou a todos anonadados.  Desta forma...

II Feira de Ciencia

II Feira de Ciencia

02-05-2023 / Divulgaciencia (Ensino)

Soutomaior presenta a II Feira de Ciencia que terá lugar o xoves 4 de maio en Talo Río (carpa) durante todo o día desde as 10.00 h. Ao longo da...

O sábado pasado tivo lugar o Roteiro

O sábado pasado tivo lugar o Roteiro "As Illas Cíes por terra e por mar"

02-05-2023 / Roteiros Medioambientais (Ensino)

Unha experiencia medio ambiental diferente, para afondar no parque Nacional das Illas Atlánticas e durante a cal as persoas inscritas fixeron o percorrido da Pedra da Campá para logo continuar...

O alumnado do IES Soutomaior achegouse á programación informática

14-04-2023 / Divulgaciencia (Ensino)

Un ano máis, o alumnado do noso Concello estase achegando ao mundo da ciencia grazas ao programa Divulgaciencia. Hoxe tocoulle o quenda aos alumnos e alumnas do IES Soutomaior, que...

Éxito absoluto do roteiro pola zona de Oia

06-03-2023 / Roteiros Medioambientais (Ensino)

Máis de 20 persoas gozaron onte do Roteiro pola zona de Oia. A choiva non nos parou e os participantes puideron aproveitar o paseo pola natureza e as vistas. Este tipo...

Inauguramos II Edición Divulgaciencia

10-02-2023 / Divulgaciencia (Ensino)

Hoxe inauguramos a segunda edición de Divulgaciencia, o Plan que levará aos institutos do Concello unha gran variedade de actividades que pretenden ampliar os seus coñecementos e espertar a vocación...

Celebramos a primeira sesión de "Capacidade, SI moitas"

04-12-2022 / Ensino

Onte tivo lugar a primeira sesión de “Capacidades, si moitas”, a campaña do Concello con motivo do Día Internacional das Persoas con Discapacidade. No Multiúsos recibimos a visita das asociacións...

Moi bo ambiente e entusiasmo no campamento dos Peares

12-08-2022 / Ensino

 O alcalde achegouse onte ata os Peares, onde preto de 50 mozos e mozas de Soutomaior están a participar nun campamento de inmersión lingüística en inglés. Además de recibir clases de...