Category Image  OBRADOIROS / Concellería de Educación 
21-Roteiro-Muiños.jpg

Roteiro "Muiños do Folón e do Picón" (9 h)

Inicio da actividade: 07-11-2021
Fin da actividade: 07-11-2021
Dias da actividade: Domingo 7 de novembro
Horarios: de 9:25 h (Sáida do bus) ata 18:35 h (Chegada ó Concello)
Destinatarios/as: Todas as idades - e máis anos
Menores: Menores con autorización
Prazas: 30 prazas
Entrada: De balde
Lugar da actividade: BUS: Concello - Cruce de Pierres

Inscricións ata: Venres, 29. Outubro 2021

DESCRICIÓN

Esta ruta percorre os 67 muíños hidráulicos do Folón e do Picón, no concello do Rosal. Declarados Ben de Interese Cultural (BIC) polos seus valores patrimoniais materiais e inmateriais, os muíños que compoñen este conxunto datan dos séculos XVII e XVIII. Neste roteiro circular descubriremos un rico patrimonio etnográfico, unha contorna natural de impresionantes vistas e unha paisaxe dominada polos contrastes da montaña e o val do Miño.
 
A ruta contará coa participación de Patricia Muñoz, guía oficial de Amodo turismo para descubrir;  e contará con diversas paradas interpretativas nos puntos de maior interese patrimonial, natural e paisaxístico. Historia do lugar e da moenda. Funcionamento dos muíños: aspectos tanxibles (pezas, enxeños) e intanxibles (formas de propiedade, dereitos, etc.. Contorna natural. Adaptación dos muíños á paisaxe. Patrimonio cultural asociado aos muíños. Legado vivo: os últimos muiñeiros/as.
 
  • 10:40 Recepción na área de recepción de visitantes (zona aparcamento e aseos) dos Muíños do Folón e do Picón. 
  • 10:45 Inicio da ruta guiada ao Ben de Interese Cultural (BIC) Muíños do Folón e do Picón. 
  • 12:00 (aprox.) Parada de descanso a metade de percorrido. 
  • 14:30 Xantar 
  • 17:00 Regreso Arcade - Soutomaior. 

Durante o percorrido faremos paradas interpretativas nos puntos de maior interese patrimonial, natural e paisaxístico.

  • Saídas: 9.25 h Casa Concello Soutomaior 9.30 h Cruce de Pierres Arcade
  • Chegadas: 18.30 h Cruce de Pierres Arcade 18.35 h Casa do Concello

 

CARACTERÍSTICAS:

Dificultade media- Percorrido maioritariamente por sendeiros e pistas de monte, con zonas de forte pendente, chan irregular (pedras, terra e desniveis) e chanzos de pedra. É un itinerario circular e sinalizado, homologado pola Federación Galega de Montañismo (PR-G 94 Muíños do Folón e do Picón).

  • Lonxitude: 3,5km, aprox.
  • Desnivel: 211 metros de subida/ 211 metros de baixada.
  • TEMPO ESTIMADO: medio día.
  • IDADES: todas. Ter en conta a tipoloxía da actividade.
  • INICIO: área de recepción dos Muíños do Folón e do Picón (zona aparcamento e aseos + merendeiro).

 

Material recomendado para realizar a actividade

  • Roupa adecuada á meteoroloxía (ter en conta que haberá zonas de exposición ao vento, ao sol e que se vai á beira do río e pode haber zonas asolagadas).
  • Calzado adecuado para camiñar, con sola forte e rugosa.
  • Roupa axeitada ao día: chuvasqueiro (se chove ou fai vento); pantalón cómodo, camiseta térmica (se fai frío)...
  • É recomendable levar unha pequena mochila con auga para a camiñata, comida (para a parada de descanso a medio camiño) ou outras cousas que se consideren necesarias tendo en conta cada roteiro.
  • XANTAR. Levar o xantar para comer no merendeiro (hai auga e baños). Ou senón tedes a opción de reservar previamente no restaurante a Casa da Pintura https://goo.gl/maps/CWepkySR5uvQuoQj8,  que está a 10 minutos andando desde o merendero (quen opte por esta opción xa pode quedar ao finalizar o roteiro e logo aparecer no merendero na hora de saída).

 

  • IMPORTANTE: Recordamos que os/as guías son titulados/as e a actividade realizarase baixo unha póliza de R. Civil e accidentes derivados da organización do evento pero non dos accidentes provocados por outros motivos. Si se produce algún cambio na organización comunicarémolo o antes posible a cada participante.

 

Máis información na OMIX no teléfono 986 700 822 ou en Este enderezo de correo está a ser protexido dos robots de correo lixo. Precisa activar o JavaScript para velo.

OBSERVACIÓNS COVID-19: co fin de adaptarnos á normativa e facer a actividade máis segura durante a actividade teremos que levar a máscara posta cando non se poidan manter as distancias de seguridade establecidas.

 

  • Guía: Patricia Muñoz, guía oficial de Amodo turismo.

 


 

Inscrición en LIÑA

 


ACTIVIDADE

DATOS PERSOAIS DO PARTICIPANTE

O/a participante é a persoa que vai participar na actividade, en caso de ser menor de idade deberán rexistralo/a o seu pai/nai/titor na seguinte páxina



ENDEREZO


DATOS DE CONTACTO


OBSERVACIÓNS E APOIO

No caso de precisar apoio específico derivado dalgún tipo de diversidade funcional, ou apoio técnico ou loxístico deberá comunicar esta circunstancia previamente á organización.

Padeces algunha enfermidade, alerxia ou intolerancia, que considere debemos ter en conta?. Precisa apoio técnico ou loxístico?

Verificación Idade
No caso de que o/a participante sexa menor de idade deberá cumplimentar a seguinte Autorización do/a pai/nai/titor.
Normas e Condicións

Lea e acepte as seguintes:

Normas de participación nas actividades


ENVÍO DE INFORMACIÓN

Autorizo ó Concello de Soutomaior a enviarme información sobre outras actividades que organiza ó meu correo electrónico?


OBSERVACIÓNS ADICIONAIS

Sinatura

Sinatura do/a Participante

Declaro que son maior de idade. Faga a súa sinatura co dedo. Si non lle parece que saiu ben a sinatura, borre e volva a facela.


Accesos : 332