Martes, 20 Marzo 2018 19:10

Encontro da mocidade en San Simón: Vinte mil leguas de viaxe submarino, 2018

Encontro da mocidade en San Simón: Vinte mil leguas de viaxe submarino, 2018

O Concello de Soutomaior publica as bases para participar no Encontro da mocidade que se realizarán en San Simón desde o 20 a 23 de agosto de 2018. 

Con este programa o Concello fai unha proposta de participación facilitadora de espazos de encontro e interacción dirixida á mocidade do municipio  para que participe en contextos informais e espazos naturais co fin de  traballar temas culturais que lles resulten de interese mediante a aplicación de metodoloxías lúdicas e creativas.

Cada ano o encontro ten unha temática que vai ligada a grandes acontecementos que sucederon ao longo a historia arredor da Illa de San Simón. Nesta ocasión a temática estará baseada na novela de Julio Verne Veinte mil leguas de viaje submarino. Os/as participantes atoparanse durante a súa estancia en San Simón con Aronnax, co Capitán Nemo e terán ocasión de coñecer todos os segredos do Nautilos. Tamén haberá outras aventuras e sorpresas nas que os mozos e mozas de Soutomaior construirán a súa historia a través do seu paso por San Simón.

Vai dirixido a mozos e mozas de 12 a 17 anos (ambas incluídas). O número de prazas total será de 54 prazas aínda que o grupo subdividirase en dous atendendo ás idades das persoas inscritas. O número de prazas por grupo será de:

  • 28 prazas para participantes de idades comprendidas entre os 12 e14 anos
  • 26 prazas para participantes de idades comprendidas entre os 15 e 17 anos

O Concello de Soutomaior organizará ás persoas inscritas por idades. No caso de non cubrirse a totalidade das prazas ofertadas nalgún dos grupos, estas prazas vacantes acumularanse automaticamente ao outro grupo si hai persoas en lista de agarda. Cada grupo contará cun programa de actividades deseñado especificamente para as súas idades  pero todos os días participarán tamén en actividades conxuntas para atender a propia filosofía do encontro.Durante este encontro traballarase por grupos de idade, segundo o desenvolvemento evolutivo das persoas participantes. Utilizarase unha metodoloxía lúdica, dinámica e divertida na que se fomentará o traballo en equipo e a cooperación baseada en todo momento no xogo e a diversión como método didáctico para que as persoas participantes sexan as verdadeiras protagonistas.

O importe final que deberá pagar a persoa interesada é de 50 Euros/empadroados-as e de 145 euros non empadroados/as (soamente poderán participar no caso de quedar vacantes e sempre que previamente se cubran como mínimo 25 prazas por persoas empadroadas). Tamén  haberá 4 prazas de balde destinadas a menores empadroados/as que acrediten unha situación de risco ou exclusión sociasl. Haberá outros descontos ou bonificacións soamente para empadroados/as que se poden consultas na web do Concello ou na OMIX.

Que prazo hai para presentar a solicitude?
O prazo abrirase o 24 de abril e pecharase o 31 de maio de 2018.

Máis información e inscricións:
Concellería de Xuventude  - OMIX
r/Peirao, 8 – Centro Multiusos - Arcade
Tel. 986700822 – Este enderezo de correo está a ser protexido dos robots de correo lixo. Precisa activar o JavaScript para velo.      www.soutomaior.com

O modelo de solicitude estará a disposición das persoas interesadas na OMIX e tamén poderá descargarse na páxina www.soutomaior.com


Publicado en Xuventude
Visto 2619 veces


Concellería de Xuventude

Novas actividades!

13-08-2021 Xuventude

Hoxe abrimos o prazo de inscrición en liñas nas escolas municipais de debuxo e pintura, de teatro e no curso de preparación das probas B1 inglés. https://www.gabinetesoutomaior.com/index.php/inscricions-menu/inscricions-en-lina

Remata o campo de voluntariado "Soutomaior fai Camiño"

28-07-2021 / Xuventude

Tras 12 días de actividade intensiva as persoas participantes no Campo de Voluntariado promovido pola Dirección Xeral de Xuventude (Xunta de Galicia) en colaboración co Concello de Soutomaior chega ó seu fin. Este martes as e os voluntarios/as chegados desde diferentes lugares (Coruña, Pontevedra, Cáceres, Córdoba e País Vasco) remataron o intenso programa de actividades.  Os mozos e mozas conseguiron durante...

Mantente en forma no verán! Aquagym, bailes variados, bailes do mundo.

06-07-2021 / Xuventude

Esta semana o Concello de Soutomaior comezou con este programa que ten como finalidade ofertar actividades variadas mediante as cales poidamos facer exercizo físico e manternos en forma durante a época estival. Aproveitando os lugares de recreo e lecer de zonas de praia e río durante o mes de xullo e agosto realizaranse varias actividades en lugares diferentes do municipio. Así...

Encontro da mocidade "Influensers polo cambio". Inscricións a partir do 7 de xullo.

02-07-2021 / Xuventude

A proposta deste ano xira arredor de tres eixos centrais cos que Soutomaior quere achegar á mocidade participante á Arte Transmedia (Storytelling a través de disciplinas artísticas escénicas, plásticas e audiovisuais) ao estilo ‘influencer’ para promover os cambios sociais necesarios recollidos nos ODS (Obxectivos de Desenvolvemento Sostible) propostos pola ONU na Axenda 2030. Para isto a proposta contempla tres bloques...

Soutomaior fai Camiño! Campo de voluntariado.

29-06-2021 / Xuventude

O Concello de Soutomaior colabora coa Xunta de Galicia na Campaña de Verán deste ano impulsando este Campo de Voluntariado que se desenvolverá no municipio desde o 16 ata o 27 de xullo de 2021. Con motivo do Ano Santo Xacobeo 2021 e da promoción da iniciativa impulsada pola ONU dos ODS (Obxectivos de Desenvolvemento Sostible) promovemos este campo co  fin...

NOVIDADES SOBRE A ACTIVACIÓN DO CARNÉ XOVE.

21-06-2021 / Xuventude

  A partir deste luns 21 de xuño a Xunta pon en marcha o trámite por vía telemática a través da web http://xuventude.xunta.es/ para que aqueles mozos e mozas que reciben a tarxeta por primeira vez e non poden desprazarse a activala. Quen opte por esta fórmula, terá que cubrir os seus datos a través da web e, nuns días, recibirá...