Luns, 08 Xullo 2019 12:54

Somos artistas 2019

Somos artistas 2019

 

Somos artistas é un proxecto impulsado pola Concellería de Xuventude do Concello de Soutomaior que se desenvolveu desde o mes de abril ata o mes de xuño de 2019 en colaboración co IES Soutomaior nas súas instalacións. O obxectivo deste proxecto foi o de iniciar unha reflexión sobre os temas que interesan á Xuventude e somerxer ao alumnado nun proxecto de participación e creación artística colectiva.

A mocidade exprésase en idiomas non verbais, baseados na súa sensibilidade. Consume unha gran cantidade de imaxes en diferentes formatos e sobre diversas temáticas nun entorno cheo de estímulos e referentes audiovisuais que lles inflúen continuamente.

A través da cultura visual a mocidade vai construíndo a súa identidade individual e colectiva por iso, tratábase de proporcionar ferramentas para que puidesen analizar e comprender as imaxes pero tamén para educar o gusto estético a partir dun enfoque participativo que implicase saltar do rol de consumidor/a ó rol de produtor/a participando nun proxecto integrador que potenciase a adquisición de habilidades comunicativas, de innovación e de creatividade nun marco educativo formal co fin de visibilizar as súas ideas, gustos e intereses e expresalos a través de pezas contemporáneas pensadas e creadas por eles e elas.

O éxito do programa radicou fundamentalmente na colaboración establecida co centro educativo e a súa implicación no proxecto, sendo a mestra Ana Aguiar a encargada de poñer en marcha na aula o proxecto co alumnado de 4º da ESO  e o alumnado de 2º de bacharelato de debuxo artístico. O proxecto executouse en varias fases: a primeira fase de aproximación estética (exposición de pezas de artistas, procura de referentes, etc.), a segunda fase de concreción da idea sobre a que se quería traballar definindo os contidos, a terceira fase de elaboración das pezas e a cuarta fase de preparación da exposición final e inauguración.

Para a execución do proxecto contamos ademais coa colaboración de dúas artistas e docentes da UVIGO cuxo papel no proxecto tamén foi fundamental porque se encargaron de asesorar e guiar ao alumnado en todas as fases e de prestar o asesoramento necesario para poder concretar o resultado final:

ITZIAR EZQUIETA, Doutora en Belas Artes, docente na área de didáctica da expresión artística e visual da Facultade de Ciencias da Educación e do Deporte da  UVIGO e artista plástica.

BEGOÑA PAZ GARCÍA, Doutora en Belas Artes, docente da Facultade de Belas Artes e no departamento de Didácticas Especiais da Facultade de Ciencias da Educación e do Deporte da UVIGO.

As pezas e os lugares:

 

NA ENTRADA, PRANTA BAIXA.

Título: In-visibles.
Compoñentes: Azahara Pardal, Desiré Narciso, María del Mar Ruiz, Iria Pardal e Nerea Miranda

“Con esta obra queremos representar a presenza de bullying, sexa no ámbito escolar ou calquera outro, facer saber que está aí xa que moitas veces "pasamos" por diante del e non o percibimos. Quixemos facer unha espiral xa que cando estás sufrindo o bullying, ves que todas

as palabras despreciables que che din xiran entorno a ti e, ademais, non tes a ninguén en quen refuxiarte e te saque desa espiral ou labirinto no que te ves somerxido. A técnica que utilizamos para facer a obra foi a anamorfose que consiste nun debuxo ou pintura que está deformada de tal modo que recupera a súa imaxe sen deformacións ao mirala dende un determinado ángulo ou ás veces a través dun espello cilíndrico ou cónico. Eliximos esta técnica porque, como dicía anteriormente, hai casos de bullying que existen e non vemos ata que estás no lugar apropiado, coma coa nosa espiral e miras con outros ollos.”

 

NO RECUNCHO QUE SE ATOPA Á MAN DEREITA, NO PRIMEIRO ANDAR.

Título: “Espellismos”
Compoñentes: María González Rodríguez, Anxo Lorenzo Alján, David Reguera Rodríguez, Andrés González Cabaleiro

“Neste caso decidimos decantarnos e falar da imaxe persoal, da imaxe distorsionada que podemos chegar a ter dun mesmo. Os comentarios, as críticas e as opinións dos demais provocan inseguridades e complexos en nós, chegando a repercutir negativamente e ter unha imaxe que non se corresponde coa  real. Isto nos provoca complexos que fan que non sexamos  capaces de vernos nun espello. A peza está feita para que ao reflectirnos nela poidamos observar como realmente somos diferentes uns dos outros e poder aceptarnos tal como somos.

Nunha parte da nosa obra os espellos son de todas as formas e tamaños, non hai un idéntico a outro, así como as persoas.”

 

NO CORREDOR CENTRAL (teito e paredes) DO PRIMEIRO ANDAR

Título: A liberdade das cores.
Compoñentes: Alejandro Boullosa, Antía Castellano, Raquel Castellano, Sofía Cuello, Brayan Lorenzo.

“O movemento LGTBI leva anos a mobilizarse, visibilizando a falta de dereitos dentro dunha sociedade que continúa a discriminar o colectivo, estigmatizando ao diferente e incluso, en ocasións, agredíndoo con diversas formas de violencia.

O noso grupo quere contribuír a eliminar estas barreiras e á aceptación da comunidade LGTBI, e para iso a nosa obra está feita dos fíos das cores da bandeira que se entrecruzan para simbolizar a unión das persoas nunha sociedade diversa, máis xusta, tolerante e sen discriminación.”

 

CRISTALEIRA NO CORREDOR DO PRIMEIRO ANDAR

Título: A nosa terra
Compoñentes: Marta Reguera, Judith Domínguez, Anxo Martínez, Noa da Silva, Raúl Sánchez, Sabela Campo e Ainoa Martínez

“A nosa peza inspírase nun dos elementos máis característicos da nosa paisaxe: A AUGA. Vista dende as súas múltiples formas. Decidimos situala nun lugar amplo e luminoso e para iso a cristaleira pareceunos o marco idóneo. Esta composición, referida a Galicia, consta de tres partes:

A primeira comprende o cristal da esquerda, onde colocamos o nome das distintas formas de nomear a chuvia que hai na nosa terra. A razón da súa colocación ou da tipografía das palabras simula este motivo meteorolóxico.

O segundo e terceiro cristal vai plasmar a auga, mar e océanos que arrodean as nosas costas, cunha composición feita en vinilo de cores azuis que procuran crear diferentes efectos luminosos tanto dentro coma fóra do cristal.

Como terceira e última idea, no cuarto cristal colocaremos os nomes de lugares e paraxes galegas, elixidos entre os compañeiros de diferentes cursos, que nos vinculan coa nosa terra e que son espazos máxicos, senlleiros e cunha fonda carga simbólica.

 

PORTA DE CRISTAL AO FINAL DO CORREDOR, PRIMEIRO ANDAR

Título: Está na nosa natureza.
Compoñentes: Paula Canosa Álvarez, Sabela Lorenzo Galiñanes, Hugo Lorenzo San José, Lola Barros Reguera.

“ Nesta peza empregamos a mensaxe “Está na nosa natureza” co fin de visibilizar e normalizar a diversidade afectivo-sexual, xa que tamén a atopamos nas escolas e moitas veces non está todo o normalizado que debería. Hai momentos nos que a frase non se reflicte pero que vaia cambiando segundo a luz que haxa nese instante parécenos interesante. Eliximos o tema da diversidade para contribuír a concienciar que hai moitas formas de amor e que todas están ben.”


Publicado en Mocidade
Descargar adjuntos:

a-nosa-terra-web.gif (266 Descargas)
espellismos-web.gif (234 Descargas)
esta-na-nosa-natureza-web.gif (255 Descargas)
In---visibles-web.gif (233 Descargas)
liberdade-das-cores-web.gif (267 Descargas)
Visto 1181 veces

Xuventude

Este verán si hai plan! ide apuntando no voso calendario

Este verán si hai plan! ide apuntando no voso calendario

22-05-2023 / Mocidade

Un ano máis, volve ‘Hai Plan Soutoverán’, a gran programación festiva, de lecer e cultural que nos fará gozar como nunca do bo tempo. Aínda nos quedan moitas iniciativas por anunciar...

Abertas as inscricións para oa XV Concurso Verbas para Comunicar

Abertas as inscricións para oa XV Concurso Verbas para Comunicar

28-03-2023 / Verbas para comunicar

Co gallo do Día das Letras Galegas, promovemos este concurso relacionando a comunicación, a mocidade e a lingua galega. Para participar presenta un traballo en lingua galega en formato texto...

Media centena de mozos/as inauguran a nosa iniciativa xuvenil máis ambiciosa

Media centena de mozos/as inauguran a nosa iniciativa xuvenil máis ambiciosa

06-03-2023 / Mocidade

Impresionante a acollida que tivo a primeira sesión de Noctámbulas. A nosa iniciativa xuvenil máis ambiciosa ata o momento arrincou cun éxito de participación. Preto de 50 mozos e mozas...

Comprometidos ca formación da nosa veciñanza

15-02-2023 / Mocidade

Hoxe comezou o Curso de Hixiene, Atención Sociosanitaria e nutrición en persoas dependentes. Esta iniciativa ofrecida polo Concello de Soutomaior, conseguiu cubrir todas as prazas. Neste sentido, a concelleira de...

Cheo absoluto no curso de Operador de Carretas Elevadoras

15-02-2023 / Mocidade

Onte arrancou o Curso de Operador/a de Carretas Elevadoras. Unha formación que conta con moitos candidatos e que este ano volver cubrir todas as prazas. A Concelleira de Xuventude achegouse...

A mocidade ten a palabra co Plan Noctámbulas

17-01-2023 / Mocidade

Despois de case tres meses, comezamos a revisar as propostas depositadas nas urnas do Plan Noctámbulas. Esta iniciativa buscaba a participación da mocidade do Concello, convidándoos a dar ideas de...

A xuventude pásao en grande nas Escolas Municipais de Teatro

25-10-2022 / Escola M. de Teatro

Os/as alumnos/as das escolas municipais de teatro empezaron este curso con moita enerxía. As primeiras sesións están indo vento en popa con moi bo ambiente nos grupos e moitas ganas de...

Un novo programa para asesorar aos/ás emprendedores/as e potenciar a empregabilidade da xente moza

07-10-2022 / Mocidade

  A partir do día 9 de novembro, e durante dúas semanas, os/as futuros/as emprendedores/as aprenderán todo o necesario para facer realidade os seus proxectos.   Ademais, a iniciativa contempla asesoramento para...