Xoves, 08 Novembro 2018 17:43

Chega o Nadal! Excursión ó parque temático Perlim

Chega o Nadal! Excursión ó parque temático Perlim

O Concello de Soutomaior dentro da programación deseñada para este Nadal 2018 organiza para o sábado 15 de decembro unha excursión para visitar o maior parque temático de Nadal situado en Santa Maria da Feira (Portugal).

PERLIM é un lugar para soñar e imaxinar, onde os seus habitantes teñen características únicas e máxicas nun espazo que ten un século de existencia e serve como telón de fondo perfecto para pasar un día rodeados de historias inspiradoras, alegres e contaxiosas nunhas datas tan entrañables como as do Nadal. Un lugar perfecto para compartir ilusión e tamén para divertirse porque conta con máis de vinte áreas temáticas!, Teatros Musicais, Grandes Formatos escénicos, Escenarios Interactivos, Atraccións, Espectáculos Piromusicais, Ilusionismo Circulante, e ¡moito, moito máis!.

Por todo isto, desde o Concello animamos aos veciños e veciñas a participar nesta viaxe cargada de maxia. A duración será dun día durante o cal se visitará todo o parque incluíndo o custe: a entrada, o xantar, desprazamentos en autobús e seguros de viaxe.

Xantaremos no restaurante "Degustaría da Vila". Cando fagades as inscricións en LIÑA poderedes seleccionar o menús que vos dará diferentes opcións tanto para adultos como para menores.

Haberá dúas paradas de autobús:

  • 10.00 h Casa do Concello
  • 10.15 Cruce de Pierres

O horario de chegada ó Concello aproximado será ao redor das 22 h

Cota: 12€ empadroados/as; 30€ non empadroados/as (consultar bonificación familiares e outras).

Prazo de inscrición: ata o martes 4 de decembro. As inscricións realizaranse EN LIÑA e as prazas son limitadas. Se algunha persoa ten dificultades para facelo poderá achegarse á OMIX e resolver alí as súas dúbidas.

O pago farase mediante transferencia bancaria nas contas do Concello de Soutomaior. Haberá que entregar o resgardo de pago na OMIX ou envialo por correo electrónico á Este enderezo de correo está a ser protexido dos robots de correo lixo. Precisa activar o JavaScript para velo. antes de que peche o prazo de inscrición

 

AXENDA MUNICIPAL (INSCRICIÓNS)


Concellería de Xuventude
Excursión Parque Temático de Nadal Perlim 

perlim.jpg

Inscricións ata: 04 Dec 2018 
Datas: 15-12-2018 ó: 15-12-2018 / Todo o día
Lugar: Parque Temático Perlim, Portugal 
Destinatarios/as: Todas as idades e + máis (menores acompañados), (menores con autorización)

Inscrición en LIÑA

Publicado en Xuventude
Visto 1333 veces


Concellería de Xuventude

XIII edición do certame literario “ Ver…

17-01-2020 Verbas para... comunicar

Un ano máis, e xa  van trece, as mellores plumas novas de Soutomaior teñen ocasión de mostrar a súa valía no certame literario “ Verbas para…comunicar”. Organizado pola Concellería de...

Participa na comparsa municipal de Entroido!

16-01-2020 / Xuventude

O Concello de Soutomaior abre o prazo de inscrición para participar na Comparsa Municipal de Entroido organizada pola Concellería de Xuventude. As inscricións estarán abertas ata o 6 Febreiro 2020 Nesta actividade particípase na creación da comparsa municipal para o desfile: confección de disfraces, coreografía – bailes - música e caracterización. A temática será moi divertiva, creativa e interactiva. Desenvolvemento: o primeiro día...

Novos cursos de formación Xuventude

10-01-2020 / Xuventude

O Concello de Soutomaior convoca os cursos de formación que se desenvolverán durantes os meses de xaneiro e abril de 2020 dirixidos á xuventude e no que tamén poden participar persoas doutras idades. A convocatoria está centrada fundamentalmente nunha oferta de accións formativas dirixidas a mellorar a empregabilidade a través da adquisición de novas competencias e taménd e titulacións oficiais...

Entrega de premios do XVIII Concurso de Postais de Nadal

23-12-2019 / Xuventude

O Concello de Soutomaior entregou os premios do seu tradicional concurso de postais do Nadal. Un certame que este ano incluía unha nova categoría, a de felicitacións en formato audiovisual, e que rexistrou un novo record de participación ao presentarse 332 propostas de todas as idades. O certame está dirixido a toda a poboación do municipio e especialmente á infancia e...

Risoterapia para familias!

12-11-2019 / Xuventude

Dentro do Programa Tecendo Lazos da Deputación de Pontevedra, o Concello de Soutomaior convoca un curso de RISOTERAPIA dirixido a persoas de todas as idades. Unha actividade para mellorar o estado e ánimo e físico, para aprender a rir e para impulsar o bo humor que terá unha metodoloxía moi participativa e dinámicas mediante xogos, música e relaxación. Para compartir...

XVIII Concurso Postais e Felicitacións de Nadal 2019

04-11-2019 / Xuventude

O Concello de Soutomaior promove a XVIII Edición do Conncurso de Postais e Felicitacións de Nadal co que se pretende promover a reflexión sobre o significado desta celebración e os seus valores na sociedade actual; apoiar a participación da mocidade no ámbito artístico e creativo e fomentar o uso da lingua galega. O prazo de presentación para todas as modalidades REMATARÁ O...

TV Concellería de Xuventude