Mércores, 19 Abril 2017 13:54

Mentes inquedas: robótica, informática e electrónica

Mentes inquedas: robótica, informática e electrónica

Hoxe o  Concello de Soutomaior iniciou o proxecto Tecnoloxía para mentes inquedas que terá lugar ao longo de varias xornadas formativas  no CPI Manuel Padin Truiteiro promovidas desde a Concellería de Educación. Con este proxecto apóstase por unha formación integral do alumnado propoñendolle ao centro un proxecto baseado nunha pedagoxía que  incorpora as ferramentas necesarias para complementar o traballo realizado polo profesorado e que permita mellorar a xestión da aprendizaxe, co fin de provocar:

Mellora no rendemento académico.

Crecemento persoal.

Desenvolvemento de habilidades específicas.

Aumento da motivación cara ao coñecemento.

Tolerancia e respecto cara ao grupo.

Aumento e reforzo da autoestima

Coa colaboración do centro e das profesoras responsables da área de tecnoloxía do CPI Padin Truiteiro concretamos a nosa proposta inicial para poñer en marcha estas xornadas de Tecnoloxía para Mentes Inquedas  dirixido a alumnado de 2º, 3º e 4º da ESO orientadas a introducir aos nenos/as en diferentes areas de coñecemento, das que poidan entrar e saír, en función do seu rendemento persoal, a súa motivación, o seu interese ou ben as súas habilidades. 

A programación que presentamos para estes obradoiros baséase en asumir pequenos retos suscitados en cada traballo, tendo en conta as seguintes características metodolóxicas:

Personalizado (APRENDE)

Baseado en proxectos (FAI)

Baseado no traballo (APLICA)

Baseado en competencias (AMOSA)

Traballaremos de forma grupal pero atendendo a individualidade, porque cada neno/a debe de ser o protagonista da súa aprendizaxe. O equipo de monitores/as contratado integrarase ao 100% cos nenos/as, participando das actividades e desenvolvendo tanto os roles de educadores/as como de compañeiros/as, fomentando deste xeito outro tipo de valores. As didácticas son totalmente prácticas, aprendendo a través da execución de cada proxecto, xestionando os erros e estimulando todas e cada unha das emocións que están detrás de facetas tan importantes como o descubrimento, o valor, o reto, a autoestima e o respecto. Por todos estes motivos non é necesario separar aos nenos/as por idades.

A actividade desenvolverase os días 19,21 e 24 de abril e as disciplinas a tratar serán:

Tecnoloxía:
Electrónica | Robótica

Deseña, crea e resolve problemas tecnolóxicos dunha forma creativa e cooperativa. Aprenderán a comprender a tecnoloxía que os rodea e a resolver problemas dividíndoos noutros máis sinxelos. (materiais a utilizar: moss robotics, makeblocks, placas e compoñentes electrónicos e estructurais con arduino, littlelbits).

Con cada pequeno reto proposto o alumnado experimentará un proceso que os/as levará a conseguir o gran reto final.


Publicado en Ensino
Visto 1522 veces

Ensino

Pechamos Divulgaciencia ca gran Feira da Ciencia de Talo Río

Pechamos Divulgaciencia ca gran Feira da Ciencia de Talo Río

05-05-2023 / Divulgaciencia (Ensino)

Pechamos unha nova edición de Divulgaciencia ca gran Feira da Ciencia que celebramos onte en Talo Río. Media centena de alumnos e alumnas expuxeron os seus proxectos e outros tantos participaron nas múltiples visitas guiadas que se celebraron ao longo do día.  Ademais, houbo tempo para entregar felicitar aos premiados e para un espectáculo científico que deixou a todos anonadados.  Desta forma...

II Feira de Ciencia

II Feira de Ciencia

02-05-2023 / Divulgaciencia (Ensino)

Soutomaior presenta a II Feira de Ciencia que terá lugar o xoves 4 de maio en Talo Río (carpa) durante todo o día desde as 10.00 h. Ao longo da...

O sábado pasado tivo lugar o Roteiro

O sábado pasado tivo lugar o Roteiro "As Illas Cíes por terra e por mar"

02-05-2023 / Roteiros Medioambientais (Ensino)

Unha experiencia medio ambiental diferente, para afondar no parque Nacional das Illas Atlánticas e durante a cal as persoas inscritas fixeron o percorrido da Pedra da Campá para logo continuar...

O alumnado do IES Soutomaior achegouse á programación informática

14-04-2023 / Divulgaciencia (Ensino)

Un ano máis, o alumnado do noso Concello estase achegando ao mundo da ciencia grazas ao programa Divulgaciencia. Hoxe tocoulle o quenda aos alumnos e alumnas do IES Soutomaior, que...

Éxito absoluto do roteiro pola zona de Oia

06-03-2023 / Roteiros Medioambientais (Ensino)

Máis de 20 persoas gozaron onte do Roteiro pola zona de Oia. A choiva non nos parou e os participantes puideron aproveitar o paseo pola natureza e as vistas. Este tipo...

Inauguramos II Edición Divulgaciencia

10-02-2023 / Divulgaciencia (Ensino)

Hoxe inauguramos a segunda edición de Divulgaciencia, o Plan que levará aos institutos do Concello unha gran variedade de actividades que pretenden ampliar os seus coñecementos e espertar a vocación...

Celebramos a primeira sesión de "Capacidade, SI moitas"

04-12-2022 / Ensino

Onte tivo lugar a primeira sesión de “Capacidades, si moitas”, a campaña do Concello con motivo do Día Internacional das Persoas con Discapacidade. No Multiúsos recibimos a visita das asociacións...

Moi bo ambiente e entusiasmo no campamento dos Peares

12-08-2022 / Ensino

 O alcalde achegouse onte ata os Peares, onde preto de 50 mozos e mozas de Soutomaior están a participar nun campamento de inmersión lingüística en inglés. Además de recibir clases de...