Martes, 10 Xaneiro 2017 20:17

Inicio de programas educativos: Tecnoloxía, medioambiente e educación familiar

Inicio de programas educativos: Tecnoloxía, medioambiente e educación familiar

O Concello de Soutomaior pon en marcha novos proxectos educativos en áreas como a educación familiar, a tecnoloxía e programación ou a sensibilización medioambiental, o consumo responsable e a horta urbana e ecolóxica.

 

APRENDENDO EN FAMILIA: escola de pais e nais

Programa dirixido ás familias que ten como finalidade orientar, informar e formar sobre temas de interese para a educación de menores. Aportando nas sesións e obradoiros habilidades, técnicas e pautas para mellorar a educación de nenos e nenas en contextos actuais onde os novos retos necesitan afrontarse con vellas e novas ferramentas. Nesta ocasión traballaremos o tema do uso das tecnoloxías. As sesións estarán dirixidas por persoas expertas no uso de Internet, as redes sociais e as Novas Tecnoloxías entre os mais novos. Tocando temas como o impacto que os malos usos teñen nivel psicolóxico e condutual tradúcese a miúdo na aparición de certas prácticas de risco ou incluso novas formas de delito, como pode ser o cyberbullying, o sexting e a sextorsión ou o grooming. Sen esquecernos de que un uso abusivo pode chegar a asociarse cun maior sedentarismo, a aparición de trastornos da alimentación e do sono, illamento social, fracaso escolar etc. De todo isto falaremos os días:

  • Datas:  martes 24 e martes 31 de xaneiro. Hora: 17,00 a 18,30 h
  • Lugar: CPI M. Padin Truiteiro

Visita: Escola de Pais e Nais

 

Neste trimestre tamén se porá en marcha a ESCOLA MUNICIPAL DE HORTA URBANA E ECOLÓXICA que se iniciará cun curso de horta urbana ecolóxica. O proxecto é unha proposta para persoas que buscan unha formación en relación coas necesidades e os recursos do lugar no que viven. A través da Concellería de Educación e da  Concellería de Medio Ambiente ponse en marcha unha horta municipal en Arcade cunha orientación educativa  e con carácter formativo onde o esparcemento, a sensibilización ambiental e o consumo responsable serán os eixes fundamentais. Para poder cultivar unha parcela na horta será necesario realizar con éxito o curso de horta urbana e ecolóxica que se realizará so días:11,18 DE FEBREIRO e 11,18,25 de MARZO de 10 A 14 H. As prazas son limitadas.

Visita: Escola Municipal de Horta Urbana Ecolóxica

 

Outro programa xa iniciado en 2016 e co que se continuará será o programa EN CLAVE TECNOLÓXICA: APRENDE PROGRAMAR XOGANDO

Neste trimestre traballarase con scratch e modelado 3D con sketchUp. Os nenos e nenas de 4 a 17 anos que queiran participar terán que anotarse previamente e faremos grupo por idades. A programación é unha ferramenta moi útil para traballar o pensamento creativo, a lóxica e a imaxinación. Ademais, son coñecementos e habilidades que logo se poden trasladar á vida diaria para así comprender mellor o entorno que nos rodea. 

  

E por último, o programa ROTEIROS MEDIOAMBIENTAIS: COÑECE O TEU CONCELLO E ARREDORES.

A proposta para este trimestre é a seguinte:

  • 29 DE XANEIRO - Roteiro 1: "Con sabor salgado"
  • 19 DE FEBREIRO - Roteiro 2: "Fervenza do Inferno"
  • 26 DE MARZO - Roteiro 3: "Outra ollada á Peneda"

Cada roteiro ten as súas singularidades pero todos comparten o xogo, a curiosidade e a práctica saudable de camiñar de xeito tranquilo e sosegado disfrutando na natureza. Pero, ademais tamén comparte o obxectivo de aprender un pouco máis sobre o que nos rodea e sobre como podemos coidar e respetar máis o noso medio ambiente. 

Visita: Roteiros Medioambientais

 


Publicado en Educación
Descargar adjuntos:

2017 - 1 Trimestre Programacion Educación.pdf (751 Descargas)
Visto 2074 veces


Concellería de Educación
educacion@soutomaior.com

Novos Roteiros!

18-10-2021 / Roteiros Medioambientais

Soutomaior inicia a nova proposta para este trimestre do programa Roteiros medio ambientais: Coñece o teu Concello e arredores. Comezamos este domingo 24 de outubro co ROTEIRO MICOLÓXICO POLOS MONTES DE ARCADE-SOUTOMAIOR. Iniciaremos a actividade cunha pequena explicación que se realizará no Multiúsos en Arcade e que terán unha duración de 1 h para expoñer conceptos básicos sobre micoloxía: concepto de fungo...

Prazas vacantes na Escola Municipal de Horta Ecolóxica

13-10-2021 / Horta Urbana Ecolóxica

O Concello de Soutomaior oferta novas prazas vacantes para participar na Escola Municipal de Horta Ecolóxica. Un proxecto co que se pretende achegar aos veciños e veciñas a agricultura ecolóxica a través dunha experiencia formativa e participativa para adquirir coñecementos que logo lles permitan poñer en marcha un proxecto similar nas súas propias hortas. Ás persoas inscritas asignaselle unha parcela...

O Concello de Soutomaior reparte axendas aos escolares

10-09-2021 / Educación

A Concellería de Educación de Soutomaior acaba de repartir 960 axendas escolares entre os alumnos dos diferentes centros de educación pública do municipio. Este é o cuarto ano en que o Concello de Soutomaior encárgase da edición e entrega destas axendas ideadas co obxectivo de proporcionar aos estudantes unha ferramenta coa que mellorar a organización das súas tarefas e que á...

Fai click no teu bocata!

05-08-2021 / Educación

Hoxe tivo lugar o obradoiro "FAI CLICK NO TEU BOCATA" da Consellería do MAR, para aprender a comer saudablemente! Falamos das conservas, dos métodos de conservación, como se pescan os animais e cales son as súas características... E, despois de preparar un delicioso bocata de xardiñas puidemos degustalo e concluír cun pequeno xogo de pistas tralo cal as persoas inscritas...

Obradoiro: Fai click no teu bocata!

21-07-2021 / Educación

Para dar a coñecer as múltiples virtudes das conservas do mar, incidindo asi en hábitos de consumo alimentario saudables, chegan Ó Concello de Soutomaior os obradoiros de “Fai clic ao teu bocata”. Unha iniciativa promovida pola Consellería do Mar da Xunta de Galicia en colaboración co Concello de Soutomaior coa que pretendemos fomentar entre a poboación infantil e xuvenil o...

Día Internacional do Medio Ambiente- 5 de xuño de 2021

01-06-2021 / Educación

O Concello de Soutomaior conmemora este día tan especial e importante con actividades, cine, accións de sensibilización e sumándose á Campaña Unha árbore por Europa. Durante estes meses desenvolvéronse diversas iniciativas nas que colaboraron os centros educativos do municipio como a Campaña efecto dominó ENTRE RÍOS dirixida a alumnado de 1º da ESO do IES Soutomaior e alumnado de 6º de...

TV Concellería de Educación