Xoves, 25 Marzo 2021 18:04

Efecto Dominó. Proxecto Ríos Concello de Soutomaior

Efecto Dominó. Proxecto Ríos Concello de Soutomaior

Aproveitando que o 22 de marzo é unha data tan significativa pois é o día escollido para conmemorar o Día Mundial da Auga iniciamos a campaña "Efecto Dominó, entre ríos" impulsada polas Concellerías de Educación e Medio Ambiente do Concello de Soutomaior dirixida a alumnado de 6º de primaria  e 1º da ESO que participarán no deseño dos contidos do material divulgativo e didáctico elaborado para traballar os valores ambientais dos espazos naturais das beiras do río Verdugo e Oitavén.  Participar no proxecto implica que recuperen boas prácticas ambientais, poñer en valor os recursos medio ambientais e ser axentes sensibilizadores para chegar ao maior número de persoas.  Por tanto, engloba actividades de sensibilización ambiental vinculas ás  diferentes áreas de coñecemento, a competencias concretas e á educación en valores.O proxecto está organizado en varias fases:

FASE 1_Deseño e elaboración do Dossier divulgativo "A carón dos ríos Oitavén e Verdugo".

O obxectivo principal desta acción será elaborar e editar un dossier en formato caderno de campo cuxa función será a divulgación e o seu uso como recurso didáctico en aula servindo de apoio sirva de material de apoio para aque o alumnado poida elaborar a campaña de boas prácticas e de sensibilización. Para focalizar a acción no territorio e que teña un maior impacto na labor de sensibilización tomaremos como referencia os ríos Oitaven e Verdugo ao seu paso polo Concello de Soutomaior. Observamos a necesidade de actuar neste medio natural debido á forte presión exercida pola afluencia de visitantes cada ano maior que acoden ás zonas de recreo que están ás beiras destes ríos fundamentalmente nas tempadas de primavera e verán nas que a acumulación de xente deixa unha pegada contaminante moi alta debido ao abandono de residuos en zonas e puntos clave.Consideramos importante implicar á comunidade educativa para educar desde as idades máis temperás e facelos partícipes para que coñezan os recursos que os rodean, para que participan nas iniciativas de sensibilización e para que a súa implicación na conservación sexa maior facendo que eles e elas asuman a responsabilidade de transmitir estes valores a outras persoas.

FASE 2_ "Artistas de río, no efecto dominó"

Esta fase iníciase coa colocación dos paneis por parte do Concello nos lugares decididos previamente tendo en conta as temáticas a abordar e as necesidades específicas de cada zona tendo en conta a degradación e usos da mesma. Estes paneis estarán colocalos desde o mes de xuño de 2021.

Recoñecemento do terreo "Artistas de río". O alumnado visitará a zona intervida ó longo dunha xornada para que cada grupo seguindo unha metodoloxía de xincana poida visualizar o resultado do seu centro e tamén coñecer o do outro centro.

Os contidos da xincana para conseguir o obxectivo da campaña de sensibilización irán na liña de recoñecer o medio dun xeito práctico e didáctico, para reforzar e mesturar a teoría de aula coa práctica de campo.

-          Sensibilizar sobre necesidade de manter a natureza limpa, reducir e reciclar. 

-          Fomentar a participación comunitaria e o voluntariado medio ambiental. 

Percorrerán un itinerario en pequenos grupos nos que seguirán unha serie de pistas nas que descubrirán mediante a realización de pequenas misións os valores do río e que estarán colocadas xunto cada panel no que se incluirá un QR coa información ampliada. A misión implicará actividades de observación, de escoita e de posta en marcha doutros sentidos, de identificación, de recollida de lixo, falar de diferentes opcións a non tirar ese lixo onde estaba. Abordando temas como o consumismo, produtos alternativos, envoltorios innecesarios, etc. Utilizaremos para a actividade, lupas, prismáticos, guías, guías e fotografías antigas para ver o desenvolvemento da zona a súa recuperación ou deterioro, segundo corresponda de cada enclave. Contabilizaremos por medio de reloxos intelixentes ou móbiles, o percorrido feito, número de pasos, distancia conseguida e calorías gastadas a modo de reflexión sobre os beneficios de camiñar e facer exercicio na natureza. Despedir a actividade cunha conclusión ambiental sobre o realizado durante a xornada e o impacto xeral da actividade.

Este mércores 23  e ese xoves 24 de abril tiveron lugar as primeiras charlas no Colexio Santiago Apostol e no IES Soutomaior respectivamente. Durante a actividade dúas educadoras ambientais utilizando unha metodoloxía lúdica e participativa traballaron os contidos básicos sobre o río no tocante a flora e fauna, tipos de especies, procedencia, malas prácticas, etc. co fin de continuar agora o traballo de aula ata o vindeira sesión que xa será o traballo de campo específico mediante os roteiros que están programados para o mes de abril e maio co fin de que o alumnado se desprace ata o río e continúe con esta formación sobre o territorio.  Desde o Concello queremos agradecer a implicación dos centros educativos e do profesorado co proxecto e tamén dos Axentes da Consellería de Medio Ambiente asignados á supervisión desta zona polo seu apoio técnico e a súa colaboración. 

 

 

 


Publicado en Educación
Visto 27 veces


Concellería de Educación
educacion@soutomaior.com

O mellor amigo, tamén nas aulas

15-04-2021 / Educación

 “ Uma”, así se chama a Golden Retriever que esta mañá visitou ao alumnado da escola infantil de Romariz dentro do programa xuvenil de intervención social nos centros educativos organizado polo Concello de Soutomaior. A iniciativaprocura, mediante a axuda destes animais, mellorar as capacidades sensitivas e motoras do alumnado. Dado que o can non fala o mesmo linguaxe que eles e...

Efecto Dominó. Proxecto Ríos Concello de Soutomaior

25-03-2021 / Educación

Aproveitando que o 22 de marzo é unha data tan significativa pois é o día escollido para conmemorar o Día Mundial da Auga iniciamos a campaña "Efecto Dominó, entre ríos" impulsada polas Concellerías de Educación e Medio Ambiente do Concello de Soutomaior dirixida a alumnado de 6º de primaria  e 1º da ESO que participarán no deseño dos contidos do...

Curso de linguaxe de signos española (30h)

23-02-2021 / Educación

O Concello de Soutomaior convoca un curso de linguaxe de signos nivel A1.1. no marco da rede estatal de ensinanzas da Lingua de Signos da Confederación Estatal de Persoas Xordas (CNSE), seguindo unha organización curricular e pedagóxica acorde á filosofía do Marco Común Europeo de Referencia para as Linguas. O curso será impartido por persoal especializado da Federación de Asociacións de Persoas Xordas de...

Soutomaior coa Ciencia

11-02-2021 / Educación

A partir deste mes de febreiro comezaremos co programa "Soutomaior coa ciencia" que como en edicións anteriores contará cunha programación variada na que haberá ao longo destes meses e ata xuño actividades dirixidas a todos os públicos.   A finalidade é a de achegar o mundo da ciencia á cidadanía xeral dun xeito sinxelo, entretido e divertido poñendo en valor o papel...

Escola de Familias. Programa 2021

11-02-2021 / Escola de Familias

Desde o Concello de Soutomaior poñemos en marcha un novo programa de charlas dirixidas ás familias do municipio ou que teñan alumnado escolarizado nalgún dos centros ubicados no Concello de Soutomaior. Dadas as limitacións e restriccións actuais derivadas da pandemia COVID-19 nesta ocasión as charlas non poderán ser presenciais, polo menos polo de agora. Así que comezaremos facéndoas virtualmente a...

Cápsulas creativas para as vacacións de Nadal! xogar, agasallar, cociñar

01-12-2020 / Educación

Comeza o prazo de inscrición para participar nas actividades que  a Concellería de Educación do Concello de Soutomaior propón para este Nadal 2020. As actividades estarán adaptadas ás idades das persoas participantes e haberá grupos por idades desde os 6 ata os 18 anos. A proposta deste ano é diferente xa que tamén estamos ante un ano diferente por iso a novidade...

TV Concellería de Educación