Ensino
Ensino +
Martes 19 Mar 2024Día do Pai |
Ata o 17 de decembro estará aberto o prazo de inscrición para participar nas ACTIVIDADES PARA AS VACACIÓNS DE NADAL programadas pola Concellería de Educación do Concello de Soutomaior. Este ano contamos con dúas temáticas que están moi relacionadas porque con ambas se trata de sensibilizar sobre o respeto ao medio ambiente e natureza e consumir responsablemente. Por unha banda, as actividades educativas sobre o medio ambiente e a natureza "A voltas coa bichería" que inclúen actividades dirixidas a públicos desde os 3 ata os 17 anos vencelladas á Escola Municipal Urbana Ecolóxica e a un tema que actualmente preocupa moito como é o caso da avespa velutina; e, por outra banda, as actividades "Infonadal" nas que se abordarán temas sobre o consumo responsable no Nadal.
Todas as actividades serán moi interactivas, cunha dinámica divertida e moi creativa co fin de aprender moitas cousas a través do xogo e da creación e irán dirixidas a todas as idades. Aquí vos deixamos un pequeno resumo:
Actividade: Bicheando: xogos e moito máis!
Grupo LARVAS - 3 a 6 anos
Datas:
Xoves 26 de decembro (de 12.15 a 13.30 h)
Venres 27 de decembro
Actividade: “Bichina D´or”, cidade de vacacións para bichos
Grupo BICHOS - 7 a 11 anos
Datas:
Xoves 26 de decembro (de 10.30 A 12 h)
Venres 27 de decembro
Actividade “DESASTRE VELUTÍNICO” - 12 a 17 anos.
Organizaremos grupos de idade e amizades, cun máximo de 5 ou 6 participantes cada un.
Datas e horarios: Venres 27 de decembro (de 11.30 A 13.30 h)
DESGRAZA!!!!!! No laboratorio de Soutomaior estaban facendo unha investigación para combater á Avespa Asiática coñecida como a “Vellutina”. Pero antes de dar coa fórmula acertada, aconteceu un roubo que pon en perigo a nosa vila, xa que o envase non estaba protexido e o produto en contacto co aire fai unha reacción mortífera ao cabo de dúas horas… Seguindo as regras e normas dos xogos de escapismo teremos que resolver unha serie de pistas que liberarán a Soutomaior dun ataque masivo que terá unhas consecuencias nefastas. Acudimos á mocidade de Soutomaior para evitar o desastre pero só dispoñemos de dúas horas e o tempo empeza a correr……XA!
Charla: Trucos para aforrar no Nadal.
Actividade na que asesoraremos os adultos/as sobre como xestionar as compras do Nadal para evitar a influencia da publicidade, ofrecendo pautas de aforro e consumo responsable.
Actividade: Pídomo, pídomo!
Actividade para tomar conciencia de que os agasallos non teñen que ser sempre algo material e descubrir que existen outras opcións ademais dos produtos que publicitan as revistas e a televisión.
Actividade: Escoller agasallos, que pido este ano?
Na que os nenos/as reflexionarán sobre como inflúe a publicidade na elección dos agasallos e a importancia de coñecer as características reais dos produtos. Trátase de promover formas alternativas de lecer centradas nos amigos/as, na familia,...
As inscricións faranse EN LIÑA a través da web https://www.gabinetesoutomaior.com/index.php/inscricions-menu/inscricions-en-lina
As prazas son limitadas! Todas estas actividades realizaranse no Multiusos en Arcade e será de balde!
Máis información na OMIX, 986700822
Ensino
05-05-2023 / Divulgaciencia (Ensino)
Pechamos unha nova edición de Divulgaciencia ca gran Feira da Ciencia que celebramos onte en Talo Río. Media centena de alumnos e alumnas expuxeron os seus proxectos e outros tantos participaron nas múltiples visitas guiadas que se celebraron ao longo do día. Ademais, houbo tempo para entregar felicitar aos premiados e para un espectáculo científico que deixou a todos anonadados. Desta forma...
02-05-2023 / Divulgaciencia (Ensino)
Soutomaior presenta a II Feira de Ciencia que terá lugar o xoves 4 de maio en Talo Río (carpa) durante todo o día desde as 10.00 h. Ao longo da...
02-05-2023 / Roteiros Medioambientais (Ensino)
Unha experiencia medio ambiental diferente, para afondar no parque Nacional das Illas Atlánticas e durante a cal as persoas inscritas fixeron o percorrido da Pedra da Campá para logo continuar...
14-04-2023 / Divulgaciencia (Ensino)
Un ano máis, o alumnado do noso Concello estase achegando ao mundo da ciencia grazas ao programa Divulgaciencia. Hoxe tocoulle o quenda aos alumnos e alumnas do IES Soutomaior, que...
06-03-2023 / Roteiros Medioambientais (Ensino)
Máis de 20 persoas gozaron onte do Roteiro pola zona de Oia. A choiva non nos parou e os participantes puideron aproveitar o paseo pola natureza e as vistas. Este tipo...
10-02-2023 / Divulgaciencia (Ensino)
Hoxe inauguramos a segunda edición de Divulgaciencia, o Plan que levará aos institutos do Concello unha gran variedade de actividades que pretenden ampliar os seus coñecementos e espertar a vocación...
04-12-2022 / Ensino
Onte tivo lugar a primeira sesión de “Capacidades, si moitas”, a campaña do Concello con motivo do Día Internacional das Persoas con Discapacidade. No Multiúsos recibimos a visita das asociacións...
12-08-2022 / Ensino
O alcalde achegouse onte ata os Peares, onde preto de 50 mozos e mozas de Soutomaior están a participar nun campamento de inmersión lingüística en inglés. Además de recibir clases de...
Ensino +