Mércores, 06 Marzo 2019 13:36

Aberto o prazo de inscrición para participar nos Roteiros Medioambientais

Aberto o prazo de inscrición para participar nos Roteiros Medioambientais

O Concello de Soutomaior abre o prazo de inscrición para participar no Programa de Roteiros Medioambientais programadas para os meses de abril e maio.

Nesta convocatoria temos previsto tres roteiros. O primeiro que se realizará no entorno da Ribeira Sacra "Roteiro polas pasarelas do río Mao" que se celebrará o domingo 24 de marzo. Este roteiro realizarase durante todo o día porque despois de xantar tamén realizaremos unha visita en catamarán polo Rio Sil para contemplar os impresionantes recursos naturais desta zona e a importancia que estes recursos medioambientais teñen para o noso patrimonio. Para o mes de maio temos previsto outros dous roteiro. O 10 e 11 de maio realizarase un Roteiro Micolóxico de Primavera que terá dúas partes, a primeira que se realizará o venres 10 de maio e que terá un carácter formativo co fin de aprender máis sobre fungos e cogumelos. A segunda parte deste roteiro realizarase o sábado 11 de maio e consistirá en realizar unha saída para buscar cogumelos e visitar os posibles lugares nos que se dan estas especies.

Xa para finalizar, o domingo 12 de maio realizaremos o Roteiro "Os recunchos de Aranza" durante o roteiro vanse percorrer as diferentes paisaxes de Aranza. Partiremos da zona máis baixa, a carón do río Oitavén e subiremos ata case 300m. É unha subida esixente, pero que se fai máis levadeira ao observar a beleza que nos rodea. Visitaremos os socalcos e algunha zona de monte alto, teremos vistas aos canons do Oitaven, camiñaremos entre muros antigos e poderemos remollar os pés nas pozas de Aranza, para regresar polas intrincadas rúas da zona.

Para participar nestes roteiros teredes que inscribirvos a través da web https://www.gabinetesoutomaior.com/index.php/inscricions-menu/inscricions-en-lina

Na web tamén podedes consultar os prazos e toda a información relativa a estas actividades.

Para calquera dúbida tamén podedes poñervos en contacto coa OMIX 986700822 ou ben no correo Este enderezo de correo está a ser protexido dos robots de correo lixo. Precisa activar o JavaScript para velo.


Publicado en Educación
Visto 681 veces


Concellería de Educación
educacion@soutomaior.com

Novos roteiros medio ambientais!

24-10-2019 / Roteiros Medioambientais

Comezamos de novo co programa “Roteiros medioambientais GUIADOS: coñece o teu Concello e arredores" 2019  que organiza o Concello de Soutomaior a través da Concellería de Educación (Soutomaior). Os obxectivos do programa  son coñecer os valores medio ambientais do noso Concello e tamén do noso entorno máis próximo, promover o senderismo como medio para estar en forma e aprender un...

Visita ARGALLAR. Unha exposición para xogar coa aquitectura.

15-10-2019 / Educación

O Concello de Soutomaior organiza unha visita á EXPOSICIÓN ARGALLAR para o domingo 27 de outubro que se ubica no Museo do Monte Gaiás en Santiago de Compostela. Esta visita terá un carácter lúdico e didáctico que se complementará con máis actividades que se desenvolverán durante a xornada. ARGALLAR é un grande artefacto de compendio de xogos a partir da arquitectura...

Recunchos máxicos: dende as Alvedosas ata o Ulló

07-10-2019 / Roteiros Medioambientais

Comezamos de novo co programa “Roteiros medioambientais GUIADOS: coñece o teu Concello e arredores" 2019  que organiza o Concello de Soutomaior a través da Concellería de Educación (Soutomaior). Os obxectivos do programa  son coñecer os valores medio ambientais do noso Concello e tamén do noso entorno máis próximo, promover o senderismo como medio para estar en forma e aprender un...

AVISO PROGRAMA ColeRoteiros

09-05-2019 / Coleroteiros

Queda cancelada a ROTIQUEDADA programada para este venres 10 de maio por causa do mal tempo. Sentímolo! Lembrade que a seguinte será o venres 31 de maio.

Roti visita os comercios e o IES para dar a coñecer os ColeRoteiros

13-03-2019 / Coleroteiros

Este martes 12 de marzo tivo lugar no IES a primeira reunión informativa coas familias para explicar o proxecto de camiños escolares ColeRoteiros. Na mesa informativa participaron  Fátima Vidal – Concelleira de Educación. Noelia Ocampo – Concelleira de Xuventude e Voluntariado. Dirección do IES de Soutomaior. Antonio Duarte – Xefe da policía local de Poio. Impulsor do Proxecto de Camiños Escolares Pontevedra. Elena Rodríguez García...

Aberto o prazo de inscrición para participar nos Roteiros Medioambientais

06-03-2019 / Educación

O Concello de Soutomaior abre o prazo de inscrición para participar no Programa de Roteiros Medioambientais programadas para os meses de abril e maio. Nesta convocatoria temos previsto tres roteiros. O primeiro que se realizará no entorno da Ribeira Sacra "Roteiro polas pasarelas do río Mao" que se celebrará o domingo 24 de marzo. Este roteiro realizarase durante todo o día...