Luns, 26 Novembro 2018 17:41

Capacidade, SI MOITA! Sábado 1 de decembro

Capacidade, SI MOITA! Sábado 1 de decembro

Este é o segundo ano que o Concello de Soutomaior pon en marcha o programa CAPACIDADE, SI MOITA!!!  que se realizará o sábado 1 de decembro de 17 a 19 h no Multiusos en Arcade.

O 3 de decembro conmemórase o día internacional das persoas con discapacidade ou tamén coñecido como o día da diversidade funcional e desde a Concellería de Educación queremos sumarnos a esta reivindicación cun programa de carácter lúdico e participativo co fin de defender e reivindicar os dereitos de todas as persoas así como o respecto á diversidade porque non hai capacidades mellores nin peores senón capacidades diferentes e polo tanto, todos e todas debemos implicarnos e apostar por unha educación inclusiva que sume capacidades e non estableza diferenzas que separen nin segreguen. A xornada contará con moitas actividades nas que aprender un pouco máis cos demais, coñecernos un pouco mellor, rachar estereotipos e barreiras, exposición de materiais, presentación de retos conseguidos, etc. 

Todas as actividades son de balde e realizaranse no Multiusos en Arcade, haberá actividades no exterior e no interior do centro dirixidas á poboación en xeral para establecer un diálogo con nós mesmas/os e cos demais, para reflexionar e para vivir e compartir experiencias. Para isto contaremos cun equipo de monitoras/es especializado co que nos adentraremos na diversidade dun xeito lúdico e participativo, sen medos. Tamén nos acompañarán nesta xornada Bimba e Ela, dúas cadelas guía. 

Poderemos participar en obradoiros moi variados: elaboración de barras enerxéticas, obradoiros de elaboración de caixas Teach, xincana multisensorial, etc.

Participa no programa de actividades que o Concello de Soutomaior organiza co fin de sensibilizar e promover unha inclusión social plena coa práctica dunha vida independente e autónoma apostando pola diversidade desde un punto de vista positivo e integrador. Comparte experiencias e reflexiona! Todos/as sumamos!

 


Publicado en Educación
Descargar adjuntos:

18-Capacidade-SI,-moita-(Flayer)-web.jpg (104 Descargas)
Visto 675 veces


Concellería de Educación
educacion@soutomaior.com

Soutomaior coa Ciencia

13-02-2020 / Educación

Coincidindo co día internacional da nena na ciencia, o Concello de Soutomaior presentou onte unha nova iniciativa organizada de forma conxunta polas concellerías de Igualdade, Xuventude e Educación, “Soutomaior coa Ciencia”. Creada co obxectivo de fomentar a cultura científica entre a cidadanía mediante charlas e talleres interactivos, a iniciativa xorde da gran aceptación da Semana da Ciencia creada o ano...

Os escolares reciben a visita de Papá Noel

23-12-2019 / Educación

 Papa Noel visitou as clases dos centros educativos do Concello de Soutomaior para recoller os desexos dos pequenos e felicitarlles as festas antes das súas vacacións de nadal. A edil municipal de educación, Fátima Vidal, estivo presente durante a visita que tamén contou coa participación de Roti, a mascota municipal que promociona a seguridade viaria entre os máis pequenos. Durante a visita...

Os cans chegan ás aulas

20-12-2019 / Educación

Máis de 100 alumnos do IES Soutomaior participaron nun novo proxecto que o Concello de Soutomaior está a levar ás aulas do municipio, mellorar as habilidades sociais dos máis novos coa axuda de cans. A iniciativa, enmarcada dentro do programa xuvenil de intervención social nos centros educativos do Concello , busca a axuda dos animais para incidir na aceptación das...

Actividades para as vacacións de Nadal!

14-11-2019 / Educación

Ata o 17 de decembro estará aberto o prazo de inscrición para participar nas ACTIVIDADES PARA AS VACACIÓNS DE NADAL programadas pola Concellería de Educación do Concello de Soutomaior. Este ano contamos con dúas temáticas que están moi relacionadas porque con ambas se trata de sensibilizar sobre o respeto ao medio ambiente e natureza e consumir responsablemente. Por unha banda...

Novos roteiros medio ambientais!

24-10-2019 / Roteiros Medioambientais

Comezamos de novo co programa “Roteiros medioambientais GUIADOS: coñece o teu Concello e arredores" 2019  que organiza o Concello de Soutomaior a través da Concellería de Educación (Soutomaior). Os obxectivos do programa  son coñecer os valores medio ambientais do noso Concello e tamén do noso entorno máis próximo, promover o senderismo como medio para estar en forma e aprender un...

Visita ARGALLAR. Unha exposición para xogar coa aquitectura.

15-10-2019 / Educación

O Concello de Soutomaior organiza unha visita á EXPOSICIÓN ARGALLAR para o domingo 27 de outubro que se ubica no Museo do Monte Gaiás en Santiago de Compostela. Esta visita terá un carácter lúdico e didáctico que se complementará con máis actividades que se desenvolverán durante a xornada. ARGALLAR é un grande artefacto de compendio de xogos a partir da arquitectura...