Martes, 25 Outubro 2016 10:10

Laboratorio de Costura Creativa

Laboratorio de Costura Creativa

A Concellería de Igualdade do Concello de Soutomaior, da man de Emaús  Fundación Social, organiza o Laboratorio de costura creativa, a través da reutilización do textil.

Nesta actividade formativa, enmarcada no III Plan Municipal de Igualdade entre homes e mulleres do concello de Soutomaior 2014-2017, dentro da área de formación e educación, trátase non só de xerar impacto directo  na reducción de textiles que van o lixo e impactan directamente sobre o medio ambiente, senón  tamén de traballar e desenvolver a creatividade, fomentar a ocupación saudable do tempo libre, propiciar unha mellor xestión da economía doméstica, e propiciar a xeración de iniciativas de autoemprego vinculadas a costura mediante a reutilización de textiles.

O laboratorio terá inicio o 17 de Novembro de 2016 e finalizará o 19 de Xaneiro de 2017, as clases impartiránse en horario de mañá de 9:45 a 12:45 no Centro Multiusos en Arcade, intentando favorecer as posibilidades de conciliación para as participantes.

A acción formativa terá un total de 40 horas lectivas, a súa maioria prácticas impartidas a man de Emaús, e outras iniciativas colaboradoras en moda ética como La canalla, que impartirá un módulo de tres horas para as participantes , onde dará a coñecer a súa empresa e o seu desenvolvemento ó longo destes anos, e a cooperativa Cestola na Cachola que impartirá un monográfico sobre cooperativismo e economía social e consumo consciente. Así mesmo haberá un módulo de igualdade de oportunidades.

Na clausura do Laboratorio, o venres 27 de Xaneiro, participará tamén a Asociación Amarante Setem, organización galega que traballa e na construcción dunha sociedade baseada en relacións xustas, a través da educación, da economía social, do consumo responsable e do comercio xusto. Proxectarase o documental Fios Fora, de Illa bufarda, onde se visibiliza a figura das mulleres no sector textil galego, historias de obreiras, entre costuras e patróns.

A Concellería de Igualdade, aposta con esta iniciativa por unha oferta formativa responsable, que intenta fomentar e visibilizar as mulleres, dende unha perspectiva respetuosa co medio ambiente, o consumo consciente e os valores de cooperativismo no feminismo.

O prazo de inscricións comeza o 25 de Outubro, e as prazas son limitadas. O prezo da matricula é de 20 euros para empadroadas, e 40 para non empadroadas. Quedando exentas do pago da mesma beneficiarias dalgunha prestación social, baixo informe dos servicios sociais.

Para máis información e inscricións diríxanse o CIM sito no Centro Multiusos de Arcade 986701227.


Publicado en Igualdade
Visto 1709 veces


Concellería de Igualdade
CIM - Multiusos de Arcade

Andaina “O rural contra a violencia de xénero”

11-11-2021 / Igualdade

O GDR Pontevedra-Morrazo está a organizar dentro da campaña Rachemos coa Indiferenza e baixo o lema (común de todos os GDR de Galicia) "O RURAL CONTRA A VIOLENCIA DE XÉNERO" unha andaina que se celebrará o VINDEIRO 13 DE NOVEMBRO co obxectivo de concienciar e loitar contra a violencia de xénero no marco do Pacto de Estado contra a violencia...

Teatro: “O Candil”

10-11-2021 / Igualdade

Este sábado no Multiusos de Arcade á 21,00 horas, continuando coas actividades do 25 N, representarase a obra “O Candil”. A entrada será gratuíta ata completar aforo.  “O Candil” revive algunas das nosas figuras teatrais máis internacionais e representativas como a Bella Otero ou a “Princesa Borbón”; e outras empresarias como Lino Pérez ou Isaac Fraga, facendo con elas memoria das nosas...

Teatro. “Pelos na lingua”

05-11-2021 / Igualdade

Este domingo ás 20,00 horas no Multiusos de Arcade represéntase a obra “Pelos na lingua” dentro do programa de dinamización lingüística “FalaRedes” da Xunta de Galicia.  Non é necesaria a inscrición xa que será por orde de chegada ata completar o aforo Pelos na lingua vai destinado a todo o mundo (e non esaxeramos), independentemente da súa posición respecto a a lingua:...

Participación do comercio na campaña do Ultravioleta 25N

02-11-2021 / Igualdade

Se tes un establecemento é estás interesada en participar e difundir a campaña do 25N, tes que poñerte en contacto co CIM a través do seguinte enlace ou ben chamando o número do Concello( 986705106) para anotarte na campaña. Unha vez teñamos a túa solicitude de participación, o CIM porase en contacto para facilitar o material da campaña. Esperamos que vos...

25 N – Redrum Teatro: Invisibles

26-10-2021 / Igualdade

Dentro da campaña do 25 N (día internacional da eliminación das violencias machistas) o Concello de Soutomaior presenta  odía 30 de Octubro ás 21h, no auditorio do Centro Multiúsos de Arcade, representación da obra INVISIBLES a cargo da compañía Redrum Teatro. Invisibles presenta a tres mulleres de idades e perfis sociais diferentes. Sete testemuñas repartidas en sesenta minutos con un fio...

Participación do comercio na campaña do Ultravioleta 25N

25-10-2021 / Igualdade

Desde o Concello de Soutomaior, a través do CIM (Centro de Información á Muller) poñemos en marcha a campaña “Ultravioleta” dando luz ás violencias invisibles, con motivo do 25N Día Internacional da Eliminación das Violencias Machistas. No ano 2000 a Asemblea Xeneral de Nacións Unidas adopta unha resolución que designa o 25 de novembro como o Dia Internacional da Eliminación...