Venres, 06 Mai 2022 13:44

Soutomaior Concilia - Inscríbete nos campamentos de conciliación familiar deste verán

Soutomaior Concilia - Inscríbete nos campamentos de conciliación familiar deste verán

O Concello de Soutomaior é consciente da importancia de promover axudas ás familias para conciliar a vida familiar e laboral. Existe unha demanda por parte da cidadanía de programas para tal fin. Os campamentos de Conciliación levados a cabo con anterioridade foron todo un éxito de participación e boas prácticas. O Concello, a través da concellería de igualdade pon en marcha, de novo, o programa “Soutomaior Concilia: campamento de verán” para as datas non lectivas de vacación no período estival.

O campamento vai dirixido a crianzas de 3 a 12 anos. O horario dos campamentos é das 9 as 14 horas, con a posibilidade de aula matinal de 8 a 9, para aquelas familias que así o soliciten, e aula fiambreira de 14 a 15h, de tal xeito que así podan comer aquí con a comida que traian de casa. Polo tanto existen 4 horarios: de 8 a14, de 9 a 14, de 8 a 15, e de 9 a 15, un amplo marxe para adaptarse a todas as necesidades. Existen 3 quendas diferentes: 1ª quenda de 4 de xullo ate o 15 xullo, 2ª quenda do 18 de xullo ate o 29 de xullo e por último 3ª quenda desde o 1 de setembro ate o 7.

Como novidade este ano dividirase o campamento en semanas temáticas: a semana do arte, debuxo, pintura e artes escénicas, a semana da tecnoloxía, semana da viaxe polo mundo, semana mariñeira e para finalizar semana das emocións.

Dentro do horario do programa intercalaranse actividades lúdico, educativas, deportivas, xogos e obradoiros, actividades ao aire libre, sempre traballando baixo a perspectiva de xénero dun xeito dinámico e participativo.

 

 Desenvolveranse no edificio Multiusos de Arcade baixo todas as medidas hixiénicas e de seguridade existentes para cumprir co protocolo do Covid-19. Existiran uns criterios de prioridade para poder participar no programa: familias con dúas persoas proxenitoras traballando, familias monoparentais-monomarentais, familias cunha persoa proxenitora traballando, familias empadroadas, nivel de renda da unidade familiar.

 

A inscrición realizarase na paxina do gabinete de prensa do Concello de Soutomaior ou de xeito presencial no CIM os luns e mércores, poden escoller por prioridade as datas que mais lle interese, e axuntar a toda documentación

O prazo de inscrición desde o día 16 de maio ata o 30 de maio, e publicaranse a listaxe de admitidos o día 8 de xuño.

Non o perdades!!! Pasarémolo xenial!!


Visto 647 veces

Igualdade

O Espazo Concilia volve polo Nadal

O Espazo Concilia volve polo Nadal

04-12-2022 / Espazo concilia (Igualdade)

Como ven sendo habitual, o Concello desenvolve iniciativas que facilitan a conciliación familiar de pais e nais. Dentro destas iniciativas destaca o ESPAZO CONCILIA. Agora o ESPAZO CONCILIA volve con motivo das vacacións escolares de Nadal. Nesta ocasión desenvolverase os días 26, 27, 28, 29 e 30 de decembro en horario de 9 a 14 horas coa posibilidade de entrar ás...

Somos a sede da Mesa de Coordinación Interinstitucional para acabar ca violencia de xénero

Somos a sede da Mesa de Coordinación Interinstitucional para acabar ca violencia de xénero

02-12-2022 / 25N (Igualdade)

Onte celebrouse unha nova Mesa de Coordinación Interinstitucional contra a Violencia de Xénero. No Multiúsos reuníronse representantes de varios sectores, dende os Corpos de Seguridade, ata a membros da Xunta...

Sempre do lado das víctimas: O concello presenta a campaña do 25N

Sempre do lado das víctimas: O concello presenta a campaña do 25N

11-11-2022 / 25N (Igualdade)

O Concello de Soutomaior, a través da Concellería de Igualdade e o CIM (Centro de Información a Muller) pon en marcha a campaña do 25 N, Día Internacional  violencias machistas...

Máis de vinte veciñas melloraron a súa empregabilidade gracias a "Galegas Dixitais"

27-10-2022 / Espazo Formativo e Cultural (Igualdade)

Hoxe o alcalde de Soutomaior e a Concelleira de Igualdade achegáronse á última sesión de 'Galegas Dixitais' para despedir ás participantes e agradecerlles o seu interese. A iniciativa tiña como...

As mulleres de Soutomaior poderán mellorara as súas habilidades informáticas e recibir un portátil completamente gratis

24-08-2022 / Espazo Formativo e Cultural (Igualdade)

O CIM coordina un programa de formación para a dixitalización das mulleres dirixido preferentemente ás mulleres desempregadas, pero aberto á todas as interesadas.    En total serán 120 horas nas que as...

O CIM comeza o curso con dúas actividades para fomentar o Autocoidado

23-08-2022 / Espazo Autocoidado e Apoderamento (Igualdade)

O CIM ofrece este mes de setembro dúas actividades dirixidas a mulleres que queiran aprender máis sobre autocoidado para sentirse mellor baixo o programa ‘O meu tempo’. En primeiro lugar, un...

A Conselleira da Xunta visita o CIM de Soutomaior e destaca o seu excelente traballo

18-08-2022 / Igualdade

A conselleira de Promoción de emprego e Igualdade, María Jesús Lorenzana, reuniuse hoxe co alcalde de Soutomaior e ca concelleira de Igualdade para realizar unha visita ao Centro de Información...

Remata a primeira quenda de participantes no Soutomaior Concilia

18-07-2022 / Espazo concilia (Igualdade)

A concellería de Igualdade organiza a través do CIM, tres campamentos de verán baixo o título de Soutomaior Concilia. A semana pasadas terminou a experiencia do primeiro grupo formado por máis...