Servizos Sociais
Servizos Sociais +
Información e tramitación nos Servizos Sociais do Concello de Soutomaior.
A Xunta de Galicia ten nestes momentos á disposición das familias galegas as axudas do Bono eléctrico, cun orzamento de 1,9M€ para que os fogares que máis o precisan poidan facer fronte á factura da luz e evitar, así, os cortes de subministración.
As axudas outórganse por concorrencia non competitiva -é dicir, por orde de entrada da solicitude- a todos cantos cumpren os requisitos e supoñen un 50% da factura eléctrica correspondente á vivenda habitual do solicitante cunha contía máxima anual de 300 ou 450 euros -no caso de familias numerosas-. Ademais, estas familias con máis dificultades que se beneficien deste programa de apoios terán garantido o acceso continuado á subministración nos fogares, dando así resposta a unha necesidade básica dos cidadáns, pois non se lles poderá cortar o servizo mentres sexan beneficiarios desta axuda.
Como mostra do compromiso coa axilidade deste procedemento, establécese un prazo máximo dun mes desde a presentación da solicitude ata a súa resolución, polo que unha vez que se comprobe que se cumpren os requisitos, realizarase o pagamento por parte da Vicepresidencia económica directamente ás empresas comercializadoras de referencia coas que se renovará o protocolo de colaboración. Este pagamento realizarase de xeito mensual, segundo se vaian remitindo as facturas.