Venres, 29 Mai 2020 11:16

Ampliación de partidas para Servizos Sociais e Comercio Local

Ampliación de partidas para Servizos Sociais e Comercio Local

O Concello de Soutomaior recuperou onte a celebración dos seus plenos municipais, suspendidos durante a crise sanitaria, cun novo escenario para garantir a distancia de seguridade entre os edís, o pavillón municipal da Montesiña.

Como non podía ser doutra maneira, a Covid-19 centrou a maioría dos puntos do día entre os que destaca a aprobación dunha ampliación das partidas destinadas aos Servizos Sociais e ao Apoio ao comercio local por un importe de 30.000 e 20.000 euros respectivamente.

A ampliación destas partidas é unha das medidas que o goberno municipal está a tomar para facer fronte á recuperación económica derivada da crise sanitaria. Nestes momentos hai moitas familias nunha situación moi delicada, sen traballo e cuns ingresos mínimos ou mesmo nulos. Por iso os Servizos Sociais contarán cos recursos necesarios para atender a todos os veciños que poidan necesitar axuda de calquera tipo.

Do mesmo xeito, o aumento de 20.000 euros na partida para o apoio ao comercio local está destinado, parcialmente, ao financiamento da nova plataforma de comercio electrónico local que o consistorio acaba de poñer en marcha e á que xa se adheriron máis de 30 comerciantes do municipio.

Ademais aprobouse por unanimidade a proposta de solicitar a varios organismos diversas accións para a facilitar a recuperación da economía local tras a crise. Así, á Xunta de Galicia solicitaráselle un plan galego de reactivación económica acordado con todas as administracións e un plan de axudas para PEMES e autónomos que complemente as estatais. Ademais, solicitarase ao goberno de España a flexibilización das regras que permiten aos Concellos utilizar os seus remanentes de tesourería.


 


Publicado en Alcaldía
Visto 358 veces


Alcaldía
Casa do Concello

Plan de inserción laboral para mulleres que sofren violencia de xénero,

30-06-2020 / Alcaldía

O Alcalde de Soutomaior,Agustín Reguera,mantivo onte un encontro co Vicepresidente da Xunta, Alfonso Rueda, sobre o plan de inserción laboral para mulleres que sofren violencia de xénero, polo cal 38 entidades locais galegas contratarán a a 68 mulleres, no que tamén participa o noso concello , que contratará a dúas mulleres. Alfonso Rueda explicou que este é programa pioneiro que se...

TV Alcaldía de Soutomaior