Martes, 18 Abril 2017 10:41

A vespa asiática unha ameaza invasora (Charla)

A vespa asiática unha ameaza invasora (Charla)

A vespa asiática unha ameaza invasora (Charla)

Sábado 22 de abril ás 19,30 horas – Baixos da Praza de Abastos

Coa finalidade de difundir e ensinar os coñecementos necesarios para intervir, preventiva e activamente o Concello de Soutomaior programa unha charla informativa sobre a avispa asiática o sábado 22 de abril a partir das 19,30 horas nos baixos da praza de abastos.

Está charla será impartida pola Asociación DEPOLGAL e conta coa colaboración de Agrícola Arcade.

Esta asociación xa leva un ano traballando arreo tendo eliminados máis de 140 niños ata a data de hoxe, e atendendo cada día os novos avisos que reciben do 112.

A concienciación da cidadanía é imprescindible, polo que é necesario sensibilizar a sociedade en xeral e, como un alicerce fundamental, a intervención no ámbito educativo é indispensable.

 Estas charlas informativas e formativas, coa intención de que a cidadanía poida identificar a especie, saiba dos perigos que supoñen, recoñezan os niños e que sexan coñecedores das medidas a adoptar, e para os que desexen colaborar, trampeen na primavera (posta en práctica coñecementos teóricos).

As trampas que se están colocando  están dando os primeiros resultados coa captura das novas raíñas que despois da hibernación proceden a fundación dos niños primarios, cada unha que se elimina é un niño menos, polo que é unha actividade preventiva de cara ao verán cando o desenvolvemento das vespas é moito maior e proceden a construir os niños secundarios cuxa poboación é cosiderablemente maior, e provoca máis prexuizos na contorna.


Publicado en Medio Ambiente
Visto 2128 veces


Concellería de Medio Ambiente
Casa do Concello

A Xunta de Galicia licita a nova depuradora de Arcade

11-05-2020 / Medio Ambiente

O Concello de Soutomaior solicitou a colaboración da Xunta de Galicia para a construción dunha nova planta depuradora que se axuste á normativa europea. Unha colaboración que agora se confirma e aConsellería de Infraestruturas e Mobilidade, a través de Augas de Galicia, vén de licitar a redacción do proxecto construtivo da nova depuradora de augas residuais de Arcade. A nova estación depuradora...

Cambio nas condicións de mobilidade ás hortas de autoconsumo

04-05-2020 / Medio Ambiente

Unha nova orden do Goberno español publicada o venres 1 de maio no Boletín Oficial del  Estado (BOE) permite ós agricultores que non teñen carné como tal, coidar e recolectar as hortalizas das súas hortas para autoconsumo. A condición é que estén no concello no que viven ou no do lado. Só no caso de aqueles para os que eses alimentos sexan imprescindibles...

Normas Xunta Galicia hortas autoconsumo

28-04-2020 / Medio Ambiente

-Amplían ata o 31 de xullo, como máximo, o prazo para limpar as franxas de seguridade das casas. En relación coa prevención de incendios forestais, a Xunta de Galicia acordou levantar a suspensión do prazo legal para cumprir coa obriga de execución da xestión da biomasa nas franxas secundarias (50 metros próximos ás vivendas) e prorrogar o periodo máis alá do...

Indicacións sobre a compostaxe doméstica en tempos do covid-19.

15-04-2020 / Medio Ambiente

O Concello de Soutomaior en colaboración coa empresa Vermican Solucións de Compostaxe SL redactou  unha serie de indicacións sobre a xestión da compostaxe doméstica en tempos do Covid-19. A subministración de composteiros domésticos cunha subvención PIMA do "Ministerio de transición ecolóxica e o reto demográfico" repartiranse entre vos veciños/ as do Concello de Soutomaior unha vez remate ou estado de alarma

Punto limpo móbil en Romariz

02-03-2020 / Medio Ambiente

A partir do martes 3 de marzo de 2020, o punto limpo móbil do concello de Soutomaior situarase nas inmediacións da escola de educación infantil de Romariz para prestar o servizo de recollida daqueles residuos xerados nos fogares que non se poden depositar nos contedores habituais das rúas. Cómpre sinalar que este servizo foi posible grazas á concesión dunha axuda dos...

Valor dos insectos para o medio ambiente “ Bicheando”

30-12-2019 / Medio Ambiente

Máis de 30 nenos e nenas do Concello de Soutomaior participaron esta semana nas xornadas de concienciación ambiental.  A iniciativa incluía actividades e xogos adaptados a todos os grupos de idade para poñer en valor os beneficios e a importancia dos insectos e os pequenos animais para o medio ambiente. Baixo o nome de “ Bicheando”, estas xornadas teñen como obxectivo presentar...

TV Concellería de Medio Ambiente