Xoves, 16 Marzo 2017 10:40

Aprobación definitiva do Plan Xeral de Ordenación Municipal (PXOM)

Aprobación definitiva do Plan Xeral de Ordenación Municipal (PXOM)

O alcalde de Soutomaior, Agustín Reguera, recibiu de mans da Conselleira a aprobación definitiva do Plan Xeral de Urbanismo Municipal en que cualificou como "un avance enorme para o Concello que dará unha gran seguridade xurídica a todos os nosos veciños", referíndose ao feito de que o urbanismo local rexíase por unhas normas subsidiarias do ano 1989. Ademais, destacou o feito de que este é a primeiro PXOM que se aproba na comarca.

Pola súa banda, a Conselleira de Medio Ambiente, Beatriz Mato, expresou que este documento marcará un "antes e un despois para o Concello pola súa importancia para o desenvolvemento urbanístico, ambiental e social do municipio", polo que felicitou ao Concello de Soutomaior pola súa iniciativa para sacar adiante un documento que definiu como "clave para o futuro".

O alcalde destacou o gran traballo do equipo redactor e dos técnicos municipais durante todo o proceso. En total presentáronse 527 alegacións procedentes de 338 veciños, resolvéndose favorablemente o 53% delas. Con todoel número de alegacións é moi inferior ao doutros municipios, e máis da metade foron aceptadas.

O horizonte de validez deste plan está marcado no ano 2027. Neste sentido, e en consonancia co constante aumento poboacional do municipio, o PXOM contempla a ampliación de diversas zonas residenciais, de servizos e de recreo.

O novo PXOM elimina os usos inadecuados nas distintas clases de solo, así, se incorporarán novos usos potenciando a oferta hoteleira e reducirase o solo industrial co obxectivo de “adaptalo á demanda real e ás posibilidades de xestión municipal.

 No caso concreto de Arcade, o solo industrial (antigas fabricas da Ceramica e Ferrerias) eliminarase por completo por contar con escasas opcións de crecemento e atoparse nunha situación de abandono.


Publicado en Medio Ambiente
Visto 1830 veces

Medios


Concellería de Medio Ambiente
Casa do Concello

A Xunta de Galicia licita a nova depuradora de Arcade

11-05-2020 / Medio Ambiente

O Concello de Soutomaior solicitou a colaboración da Xunta de Galicia para a construción dunha nova planta depuradora que se axuste á normativa europea. Unha colaboración que agora se confirma e aConsellería de Infraestruturas e Mobilidade, a través de Augas de Galicia, vén de licitar a redacción do proxecto construtivo da nova depuradora de augas residuais de Arcade. A nova estación depuradora...

Cambio nas condicións de mobilidade ás hortas de autoconsumo

04-05-2020 / Medio Ambiente

Unha nova orden do Goberno español publicada o venres 1 de maio no Boletín Oficial del  Estado (BOE) permite ós agricultores que non teñen carné como tal, coidar e recolectar as hortalizas das súas hortas para autoconsumo. A condición é que estén no concello no que viven ou no do lado. Só no caso de aqueles para os que eses alimentos sexan imprescindibles...

Normas Xunta Galicia hortas autoconsumo

28-04-2020 / Medio Ambiente

-Amplían ata o 31 de xullo, como máximo, o prazo para limpar as franxas de seguridade das casas. En relación coa prevención de incendios forestais, a Xunta de Galicia acordou levantar a suspensión do prazo legal para cumprir coa obriga de execución da xestión da biomasa nas franxas secundarias (50 metros próximos ás vivendas) e prorrogar o periodo máis alá do...

Indicacións sobre a compostaxe doméstica en tempos do covid-19.

15-04-2020 / Medio Ambiente

O Concello de Soutomaior en colaboración coa empresa Vermican Solucións de Compostaxe SL redactou  unha serie de indicacións sobre a xestión da compostaxe doméstica en tempos do Covid-19. A subministración de composteiros domésticos cunha subvención PIMA do "Ministerio de transición ecolóxica e o reto demográfico" repartiranse entre vos veciños/ as do Concello de Soutomaior unha vez remate ou estado de alarma

Punto limpo móbil en Romariz

02-03-2020 / Medio Ambiente

A partir do martes 3 de marzo de 2020, o punto limpo móbil do concello de Soutomaior situarase nas inmediacións da escola de educación infantil de Romariz para prestar o servizo de recollida daqueles residuos xerados nos fogares que non se poden depositar nos contedores habituais das rúas. Cómpre sinalar que este servizo foi posible grazas á concesión dunha axuda dos...

Valor dos insectos para o medio ambiente “ Bicheando”

30-12-2019 / Medio Ambiente

Máis de 30 nenos e nenas do Concello de Soutomaior participaron esta semana nas xornadas de concienciación ambiental.  A iniciativa incluía actividades e xogos adaptados a todos os grupos de idade para poñer en valor os beneficios e a importancia dos insectos e os pequenos animais para o medio ambiente. Baixo o nome de “ Bicheando”, estas xornadas teñen como obxectivo presentar...

TV Concellería de Medio Ambiente