Venres, 15 Outubro 2021 11:23

A Xunta de Galicia destina 390.000 euros para mellorar a depuradora de Comboa

A Xunta de Galicia destina 390.000 euros para mellorar a depuradora de Comboa

A planta modernizará o sistema de tratamento.

A Xunta de Galicia colaborará co Concello de Soutomaior na execución das actuacións necesarias para a mellora da depuradora de Comboa, que contempla un investimento autonómico de 390.000 euros. O Consello da Xunta autorizou o acordo entre a Consellería de Infraestruturas e Mobilidade –a través de Augas de Galicia– e o Concello de Soutomaior para realizar as obras nesta planta de tratamento de augas residuais, na que se substituirán os equipos e elementos obsoletos que xa cumpriron a súa vida útil. A administración hidráulica da Xunta asume integramente o financiamento,contratación e execución das obras de renovación da estación depuradora, adaptándoa á nova normativa, unha actuación cofinanciada no marco do programa operativo Feder Galicia 2014/20.

As actuacións recollidas no proxecto redactado por Augas de Galicia teñen como obxectivo mellorar o estado das instalacións e incrementar o control sobre a explotación da depuradora, así como a implementación dos sistemas de desodorización, o que repercutirá na calidade ambiental da zona. A planta dá servizo a unha poboación de máis de 2.400 habitantes. Augas de Galicia segue traballando,ademais, na redacción do proxecto dunha nova depuradora en Arcade, que supoñerá un investimento de dous millóns de euros.


Publicado en Medio Ambiente
Visto 194 veces


Concellería de Medio Ambiente
Casa do Concello

Carpa informativa "a túa enerxía conta"

25-11-2021 / Medio Ambiente

Mañá venres 26 de novembro, terá lugar o derradeiro evento da campaña de aforro enerxético elaborada polo concello de Soutomaior co fin de proporcionar información detallada a toda a veciñanza que se achegue sobre mellores hábitos de consumo e dar recomendacións que se trasladen nun aforro enerxético. As medidas de aforro enerxético que as técnicas transmitirán ós usuarios e ás usuarias...

O Peirao de Arcade recibe o punto limpo móbil

16-11-2021 / Medio Ambiente

O punto limpo móbil do Concello de Soutomaior disporase no mes de novembro de 2021 no peirao de Arcade. Desta maneira poderanse depositar no mesmo aqueles residuos domésticos que non contan cun contedor específico na rúa. Dende o Concello de Soutomaior agradécese a toda a veciñanza que deposita este tipo de residuos neste vehículo de recollida separada mellorando así os porcentaxes...

SOGAMA entrega 25 composteiros domésticos

10-11-2021 / Medio Ambiente

O Concello de Soutomaior recibiu recentemente 25 composteiros domésticos suministrados por SOGAMA para entregar entre a veciñanza que así o solicite. Con esta nova partida o número de participantes no programa de compostaxe local alcanzará as 250 unidades, programa cuxo fin é reciclar a materia orgánica en orixe, alcanzando con isto importantes beneficios ambientais, económicos e sociais. Ademais dos composteiros, que teñen...

A túa enerxía conta

25-10-2021 / Medio Ambiente

Continuando ca campaña levada a cabo polo Concello de Soutomaior sobre o aforro enerxético, mañá martes 26 de outubro colocarase unha carpa informativa na feira de Talo Río co obxectivo de proporcionar información dos hábitos de consumo e elaborar recomendacións para promover un aforro enerxético máis eficaz. Aplicar medidas de aforro enerxético preséntase como unha medida a escala local para ter...

Compra de case 2 millóns de sementes de ameixa para a Confraría de Arcade

21-10-2021 / Medio Ambiente

O Alcalde de Soutomaior, Agustín Reguera, acudiu á sede da Confraría de Pescadores de Arcade para recibir en persoa a primeira remesa de semente de ameixa financiada polo goberno local para apoiar ao sector do marisqueo tras as perdas derivadas da mala climatoloxía do pasado inverno. O investimento municipal ascende ata os 30.000 euros, co que a Confraría puido adquirir case...

O punto limpo móbil é trasladado á zona do Val-Sobral

18-10-2021 / Medio Ambiente

Neste mes de outubro de 2021, o punto limpo móbil do Concello de Soutomaior prestará servizo na zona no lugar do Val Sobral para poder depositar aqueles residuos domésticos que non contan cun contedor específico na rúa. Ante os numerosos casos de aportes de roupa sen ser introducida no vehículo no interior de bolsas de plástico, lémbrase á veciñanza que dita...

TV Concellería de Medio Ambiente