Xoves, 24 Outubro 2019 13:43

Instalación nos cinco centros educativos do municipio

Instalación de composteiros nos Centros Educativos

Instalación de composteiros nos Centros Educativos

O Concello de Soutomaior acaba de instalar seis novos composteiros en todos os centros educativos do municipio.

A medida servirá para reducir os residuos xerados polos centros, principalmente polos comedores escolares, á vez que serve para inculcar hábitos de reciclaxe responsables co medio ambiente entre os alumnos e alumnas.

En total instaláronse seis unidades de compostaxe doméstica nos cinco centros educativos do municipio. Un para a escola infantil de Romariz, outro no Padín Truiteiro, dous para a Galiña Azul e un para o Santiago Apóstol, todos eles de 300 litros de capacidade.

 No IES Soutomaior instalouse unha unidade de compostaxe de 800 litros.

Cada composteiro instalouse polo persoal técnico municipal que ademais de preparar o terreo, colocou unha malla para permitir o acceso pola parte inferior dos pequenos insectos e animais que resultan beneficiosos para a descomposición e á vez evitar que se introduzan os nocivos, como os roedores.

Por último, cada unidade instalada acompañouse dunha guía de compostaxe, un termómetro para controlar o proceso e un aireador.

Ademais, cada centro contará co apoio do mestre composteiro municipal para solucionar todas as posibles incidencias.


Publicado en Medio Ambiente
Visto 368 veces


Concellería de Medio Ambiente
Casa do Concello

Posto Informativo sobre compostaxe.

25-11-2019 / Medio Ambiente

Alameda Talo Río – Martes 26 de Novembro de 10 a 13 horas. A compostaxe é a maneira de converter os biorresiduos –que supoñen o 53 % da bolsa do lixo municipal nun produto fertilizante. Consiste nun proceso aerobio (con aire) e termófilo (con aumento de temperatura) no que están implicados organismos e microorganismos naturais e no que é necesario mesturar residuos...

Estudo fitosanitario das árbores da carballeira do Peirao de Arcade

21-11-2019 / Medio Ambiente

Os últimos temporais han pasado factura á carballeira do Peirao de Arcade provocando o desprendemento de varias ramas. Por iso, e tras pechar o acceso á zona por motivos de seguridade, o Concello de Soutomaior solicitou á estación fitosanitaria de Areeiro un estudo para coñecer o estado de saúde das árbores e poder abordar as posibles solucións. Os técnicos da estación...

Instalación de composteiros nos Centros Educativos

24-10-2019 / Medio Ambiente

O Concello de Soutomaior acaba de instalar seis novos composteiros en todos os centros educativos do municipio. A medida servirá para reducir os residuos xerados polos centros, principalmente polos comedores escolares, á vez que serve para inculcar hábitos de reciclaxe responsables co medio ambiente entre os alumnos e alumnas. En total instaláronse seis unidades de compostaxe doméstica nos cinco centros educativos do...

Recuperación dos muíños de Daión

30-08-2019 / Medio Ambiente

O Concello de Soutomaior propúxose recuperar o seu patrimonio etnográfico para aproveitalo como un recurso turístico máis para o municipio. Así, o goberno local acaba de dirixir unha consulta a Deputación de Pontevedra para determinar se existe a posibilidade de expropiar un total de oito muíños tradicionais en estado de abandono. O Concello de Soutomaior está a levar a cabo...

Charla sobre a limpeza nas franxas de protección contra incendios

19-06-2019 / Medio Ambiente

 Mércores 19 de xuño ás 16,00 h. Casa do Concello  O conselleiro de Medio Rural, José González, manterá hoxe un encontro cos veciños de Soutomaior para explicar as tarefas de limpeza que a Xunta levará a cabo nas franxas de protección que rodean os núcleos de poboación do municipio.  A charla celebrarase no salón de actos da Casa do Concello de Soutomaior...

Día mundial do medio ambiente “Composteiros”

05-06-2019 / Medio Ambiente

O concello de Soutomaior recibiu unha partida dende a Deputación de Pontevedra de 30 composteiros individuais xunto con outros tantos aireadores para poder remexer no interior dos mesmos. Estes novos composteiros únense ós máis de 60 xa repartidos dende comezo de ano dende o concello polo mestre composteiro ó cargo para xestionar os biorresiduos xerados nos fogares que dispoñan de horta...