Mércores, 05 Xuño 2019 12:38

Día mundial do medio ambiente “Composteiros”

Día mundial do medio ambiente “Composteiros”

O concello de Soutomaior recibiu unha partida dende a Deputación de Pontevedra de 30 composteiros individuais xunto con outros tantos aireadores para poder remexer no interior dos mesmos.

Estes novos composteiros únense ós máis de 60 xa repartidos dende comezo de ano dende o concello polo mestre composteiro ó cargo para xestionar os biorresiduos xerados nos fogares que dispoñan de horta ou xardín onde situalo, potenciando así a reciclaxe doméstica e reducindo o depósito deses residuos nos contedores xenéricos. 

Este proceso de compostaxe supón darlle unha saída máis viable tanto economica como medioambientalmente a eses residuos, convertindo un residuo como son os biorresiduos, nun produto como é o compost.

Os interesados deberán presentar a súa solicitude no rexistro municipal e o mestre composteiro poñerase en contacto para acordar unha cita para a recollida do composteiro. Nesa cita, tamén se lles explicará os pasos a seguir no mantemento e uso do composteiro e proporcionaráselles unha guía detallada a cada participante.

Posteriormente, o mestre composteiro concertará cos usuarios datas para realizar o seguimento  para así poder guiar ós participantes durante o proceso de reciclaxe orgánica e garantir o seu correcto funcionamento.

 


Publicado en Medio Ambiente
Visto 389 veces


Concellería de Medio Ambiente
Casa do Concello

Instalación de composteiros nos Centros Educativos

24-10-2019 / Medio Ambiente

O Concello de Soutomaior acaba de instalar seis novos composteiros en todos os centros educativos do municipio. A medida servirá para reducir os residuos xerados polos centros, principalmente polos comedores escolares, á vez que serve para inculcar hábitos de reciclaxe responsables co medio ambiente entre os alumnos e alumnas. En total instaláronse seis unidades de compostaxe doméstica nos cinco centros educativos do...

Recuperación dos muíños de Daión

30-08-2019 / Medio Ambiente

O Concello de Soutomaior propúxose recuperar o seu patrimonio etnográfico para aproveitalo como un recurso turístico máis para o municipio. Así, o goberno local acaba de dirixir unha consulta a Deputación de Pontevedra para determinar se existe a posibilidade de expropiar un total de oito muíños tradicionais en estado de abandono. O Concello de Soutomaior está a levar a cabo...

Charla sobre a limpeza nas franxas de protección contra incendios

19-06-2019 / Medio Ambiente

 Mércores 19 de xuño ás 16,00 h. Casa do Concello  O conselleiro de Medio Rural, José González, manterá hoxe un encontro cos veciños de Soutomaior para explicar as tarefas de limpeza que a Xunta levará a cabo nas franxas de protección que rodean os núcleos de poboación do municipio.  A charla celebrarase no salón de actos da Casa do Concello de Soutomaior...

Día mundial do medio ambiente “Composteiros”

05-06-2019 / Medio Ambiente

O concello de Soutomaior recibiu unha partida dende a Deputación de Pontevedra de 30 composteiros individuais xunto con outros tantos aireadores para poder remexer no interior dos mesmos. Estes novos composteiros únense ós máis de 60 xa repartidos dende comezo de ano dende o concello polo mestre composteiro ó cargo para xestionar os biorresiduos xerados nos fogares que dispoñan de horta...

Permisos para as fogueiras de San Xoan

04-06-2019 / Medio Ambiente

Aviso Xa se poden pedir permisos para as fogueiras de San Xoan. Nas oficinas municipais están a disposición as solicitudes para facelo. O prazo de presentacion de solicitudes remata o venres día 21 de xuño as 12:00

Convenio de colaboración entre o Concello de Soutomaior e a Confraría de Arcade

24-05-2019 / Medio Ambiente

 O Concello de Soutomaior e a Confraría de Arcade, representados polo alcalde, Agustín Reguera, e o patrón maior, Alberto Cal, asinaron o convenio de colaboración para a subvención de compra de semente de ameixa para iso o goberno local destina 15.000 euros para axudar ao sector marisqueiro. O acordo pretende aliviar a situación do sector para afrontar a campaña de sementa. Co...