Venres, 18 Mai 2018 12:19

Campaña Limpeza praias

Campaña Limpeza praias

As praias do Concello de Soutomaior xa están preparadas para o verán. Durante as últimas semanas o Concello estivo traballando no mantemento dos catro principais areais do municipio para a chegada do bo tempo. Os traballos centráronse na adecuación da area existente  e un intensivo programa de limpeza en todos os areais do municipio.

Tras un duro inverno que azoutou Galicia durante meses, as praias do Concello de Soutomaior xa están preparadas para o período vacacional. Cunha campaña de limpeza, operarios do Concello de Soutomaior, retiraron esta semana os restos e sedimentos depositados polo mar durante o inverno. Principalmente restos de artes de pesca rotos, latas, bolsas e gran cantidade de residuos vexetais, algas e anacos de madeira.

Na canle do río Verdugo, onde se asintan as praias fluviais da Xunqueira e Veiguiña Longa, a brigada municipal procedeu á recollida do material orgánico arrastrado polo río durante as abundantes choivas dos últimos meses e que impedía gozar do contorno. Ademais, para garantir a comodidade das praias durante o verán, enchéronse os areais con nova area de río. Unha medida que pretende compensar as grandes cantidades de area que as choivas e ventos deste inverno arrastraron das praias.

Estas actuacións inciden na calidade de vida da comunidade, e súmanse ás xa realizadas anteriormente como as melloras na seguridade viaria na estrada de Comboa, os accesos a Veiguiña Longa ou a humanización do contorno do Peirao de Arcade .


Publicado en Medio Ambiente
Visto 1251 veces


Concellería de Medio Ambiente
Casa do Concello

A Xunta de Galicia licita a nova depuradora de Arcade

11-05-2020 / Medio Ambiente

O Concello de Soutomaior solicitou a colaboración da Xunta de Galicia para a construción dunha nova planta depuradora que se axuste á normativa europea. Unha colaboración que agora se confirma e aConsellería de Infraestruturas e Mobilidade, a través de Augas de Galicia, vén de licitar a redacción do proxecto construtivo da nova depuradora de augas residuais de Arcade. A nova estación depuradora...

Cambio nas condicións de mobilidade ás hortas de autoconsumo

04-05-2020 / Medio Ambiente

Unha nova orden do Goberno español publicada o venres 1 de maio no Boletín Oficial del  Estado (BOE) permite ós agricultores que non teñen carné como tal, coidar e recolectar as hortalizas das súas hortas para autoconsumo. A condición é que estén no concello no que viven ou no do lado. Só no caso de aqueles para os que eses alimentos sexan imprescindibles...

Normas Xunta Galicia hortas autoconsumo

28-04-2020 / Medio Ambiente

-Amplían ata o 31 de xullo, como máximo, o prazo para limpar as franxas de seguridade das casas. En relación coa prevención de incendios forestais, a Xunta de Galicia acordou levantar a suspensión do prazo legal para cumprir coa obriga de execución da xestión da biomasa nas franxas secundarias (50 metros próximos ás vivendas) e prorrogar o periodo máis alá do...

Indicacións sobre a compostaxe doméstica en tempos do covid-19.

15-04-2020 / Medio Ambiente

O Concello de Soutomaior en colaboración coa empresa Vermican Solucións de Compostaxe SL redactou  unha serie de indicacións sobre a xestión da compostaxe doméstica en tempos do Covid-19. A subministración de composteiros domésticos cunha subvención PIMA do "Ministerio de transición ecolóxica e o reto demográfico" repartiranse entre vos veciños/ as do Concello de Soutomaior unha vez remate ou estado de alarma

Punto limpo móbil en Romariz

02-03-2020 / Medio Ambiente

A partir do martes 3 de marzo de 2020, o punto limpo móbil do concello de Soutomaior situarase nas inmediacións da escola de educación infantil de Romariz para prestar o servizo de recollida daqueles residuos xerados nos fogares que non se poden depositar nos contedores habituais das rúas. Cómpre sinalar que este servizo foi posible grazas á concesión dunha axuda dos...

Valor dos insectos para o medio ambiente “ Bicheando”

30-12-2019 / Medio Ambiente

Máis de 30 nenos e nenas do Concello de Soutomaior participaron esta semana nas xornadas de concienciación ambiental.  A iniciativa incluía actividades e xogos adaptados a todos os grupos de idade para poñer en valor os beneficios e a importancia dos insectos e os pequenos animais para o medio ambiente. Baixo o nome de “ Bicheando”, estas xornadas teñen como obxectivo presentar...

TV Concellería de Medio Ambiente