O Concello de Soutomaior finaliza os traballos de asfaltado e acondicionamento na acceso á Praia fluvial de Comboa

As obras contribuirán á mellora da seguridade vial e de servizos na zona da área recreativa. Os traballos de mellora comprenden a instalación de case 2.000 metros de aglomerado no devandito tramo, de 300 metros de longo por sete metros de anchura media, a creación de 30 novas prazas de aparcadoiro que darán servizo aos visitantes da área recreativa e a praia fluvial de Comboa ademais da ampliación das beiravías e as canalizacións de recollida de pluviais que garantirán o bo estado do vial nos días de chuvia ademais de prolongar a vida útil da recén estreada capa de rodadura.

Retiráronse 450 metros cúbicos de rocha que permitiron ampliar a curva e proporcionaron o espazo necesario para a instalación das novas prazas de aparcadoiro solicitadas polos veciños.