Que é

Que é?

Co gallo do Día das Letras Galegas o Concello de Soutomaior promove este concurso relacionando a comunicación, a mocidade e a lingua galega. 

Un dos obxectivos da Concellería de Xuventude é o de fomentar o uso da lingua galega entre a mocidade para que esta sexa usada de xeito espontáneo e natural en todos os contextos sociais e de relación. Poñendo o foco na lingua como un elemento que suma e que nunca resta, un elemento diferenciador que nos enriquece social e culturalmente a todos e a todas.

O Concurso “VERBAS PARA COMUNICAR” consiste na presentación dun traballo en lingua galega que pode ser presentado en formato texto - redacción ou audiovisual no cal se transmita unha idea, sentimento, opinión, etc., que queiramos comunicar  e compartir con outras persoas.

Obxectivos

OBXECTIVOS

• Promover a comunicación da mocidade para que expresen o que senten, pensan ou queren dicir usando a lingua galega.
• Normalizar e fomentar o uso da lingua galega entre a mocidade, fóra de contextos  formais e institucionais, dun xeito atractivo e lúdico.
• Visilizar o uso da lingua galega en contextos culturais, de lecer e tecnolóxicos para potenciar os seus valores como unha lingua próxima, útil e moderna e rachar estereotipos.

Destinatarios/as

DESTINATARIOS/AS

• Mozos e mozas matriculados/as nalgún curso da ESO ou Bacharelato e que estuden no IES Soutomaior ou no Colexio Santiago Apostol.

Categorías/Modalidade

CATEGORÍAS/MODALIDADE

Categorías:

• Categoría A: 1º, 2º, 3º ESO
• Categoría B: 4º ESO, 1º e 2º BACH

Modalidades:

1) Redacción: dun texto en lingua galega que transmita unha idea, sentimento, etc. Só presentación individual. O tamaño do texto non poderá ser superior ás 12 liñas.

O soporte será o papel ou cartolina e o seu tamaño non poderá superar un folio A4, pero si poderá ser inferior a este. O formato de presentación do papel ou cartolina será libre.

2) Audiovisual: elaboración dun vídeo (curta) ou audio (tema musical ou outros) cunha duración máxima de 5 minutos. Pode presentarse de xeito individual ou grupo/clase. Pode ser gravado con móbil ou cámara. Obrigatorio que teña mensaxe en galego escrita ou verbal.

Datos Xerais

DATOS XERAIS

• A temática será libre.
• Todos os traballos que se envíen en calquera das modalidades deberán estar  expresados correctamente en lingua galega, sen faltas de ortografía.
• Cada persoa ou grupo poderá presentar un único traballo que deberá ser inédito. 
• A organización desbotará e non entrarán en concurso aqueles traballos que conteñan mensaxes discriminatorias, sexistas, violentas, groseiras ou ofensivas.
• Os traballos premiados exporanse na web e cando remate o concurso aparecerán co nome e apelidos dos/as autores/as os traballos premiados.