IX Recital Poético: García Lorca

Luns, 11 Abril 2016 13:04

IX Recital Poético: García Lorca

Tamaño da letra disminuir el tamaño da letra aumentar tamaño de la fuente
Imprimir
Email

A BIBLIOTECA MUNICIPAL DE SOUTOMAIOR CELEBRA ESTE XOVES O IX RECITAL POETICO DEDICADO Á FIGURA DE FEDERICO GARCÍA LORCA

XOVES 14 ÁS 19,00 HORAS

O festival homenaxea ao poeta no 80 aniversario da súa morte a través da súa obra “Romancero Gitano”

Poesía e música danse a man na actuación que o grupo “Amistad” ofrecerá este xoves na Biblioteca Municipal de Soutomaior. A partir das 19:00 horas, os membros deste grupo pontevedrés renderán homenaxe a uns dos mellores poetas das letras españolas de todos os tempos, Federico García Lorca, a través da súa obra “Romancero Gitano”. O recital terá unha duración de 45 minutos aproximadamente e o acceso é totalmente gratuíto.

Un ano máis, o grupo Amistad regresa a Soutomaior co seu recital poético-musical.É unha representación baseada na obra de García Lorca coa que pretenden render homenaxe ao poeta no 80 aniversario do seu falecemento.

O repertorio consta de varias pezas con diferentes interpretacións musicais que acompañarán a poemas tan reconocibles como “Romance de la luna” “Romance sonámbulo” ou “Feria de abril en Jerez”.

Esta é a novena edición do Recital Poético de Soutomaior, que desde o ano 2005 vén recollendo clásicos da literatura e a poesía universal. Desde a primeira edición, dedicada ás Lecturas do Quixote, ata a actual, autores como Uxio Novoneyra ou os integrantes da xeración do 27, protagonizaron unha cita que ano tras ano amplía as súas fronteiras e atrae maior cantidade de público.

O grupo “Amistad” colabora desinteresadamente coa Biblioteca Municipal de Soutomaior desde o ano 2006, cando deleitaron aos asistentes ao seu espectáculo “Lecturas del Quijote”. Desde entón volveron cada ano con actuacións centradas en “A xeración do 27”, o “Amor e desamor” ou con recordos e homenaxes especiais como o realizado a Jorge Llopis chamado “Cantazo a la primavera” ou o do ano 2010, con motivo do Día da Letras Galegas, en honra e con título a “Uxío Novoneyra”.

Publicado en Cultura (Biblioteca Municipal)

Visto 1493 veces

Biblioteca Municipal

Unha selección de primeiro nivel para celebrar o Día do Libro Infantil e Xuvenil

04-04-2023 / Cultura (Biblioteca Municipal)

Con motivo do día do Libro Infantil e Xuvenil, a Biblioteca Municipal fixo unha selección dos libros galardoados co Premio Andersen de Ilustración, unha distinción que conta cun gran prestixio...

A Biblioteca Municipal distinguida como a máis innovadora de Galicia na súa categoría

25-10-2022 / Cultura (Biblioteca Municipal)

Celebramos o Día Internacional da Narración Oral cunha sesión de Contacontos

18-03-2022 / Cultura (Biblioteca Municipal)

A hora do conto!

14-02-2022 / Cultura (Biblioteca Municipal)

O venres 25 de febreiro volvemos cunha nova sesión do programa "A Hora do Conto" que se realiza na Biblioteca Municipal de 18 a 19.30 h. Dirixido a nenos e nenas de 4 a 12 anos. Inscricións previa en A hora do conto (25 febreiro) - 2022 (gabinetesoutomaior.com)

Club de lectura en Castelán.

26-01-2022 / Cultura (Biblioteca Municipal)

Iniciamos un novo Clube de lectura en Soutomaior, nesta ocasión en castelán. Terá lugar na Biblioteca Municipal en Arcade os 1º e 3º venres de cada mes en horario de 18.45 a 19.45 h. Vai dirixido a persoas adultas. As prazas son limitadas e as inscricións realizaranse en liña: Club de Lectura en castelán - 2022 (gabinetesoutomaior.com) Comezaremos con esta actividade o venres...

Entrega de cheque solidario a Cáritas Arcade.

20-01-2022 / Cultura (Biblioteca Municipal)

No mes de decembro o Concello de Soutomaior a través da Biblioteca Municipal organizou o mercado solidario de libros "Un libro, unha ilusión" co fin de recadar fondos destinados ás familias máis desfavorecidas do municipio e contribuír a que estas poidan acceder a recursos necesarios para o seu día a día como alimentos, roupa, etc. Recadáronse 312 euros que se...

A hora do conto!

14-01-2022 / Cultura (Biblioteca Municipal)

Chega á Biblioteca Municipal esta actividade dirixida a nenos e nenas de 4 ata 12 anos na que escoitarán, verán, tocarán, imaxinarán, partillarán…contos! Trátase dunha proposta creativa sobre historias narradas nas que nenos e nenas serán protagonistas… Achegarémoste ao mundo dos contos e da literatura a partir de creacións e narracións elaboradas por Pavís Pavós, contadores de historias cunha longa traxectoria...

Os libros chegan á túa casa!

13-01-2022 / Cultura (Biblioteca Municipal)

Bibliofogar, un servizo de balde co que a Biblioteca Municipal “Luis Seoane” de Soutomaior achega a calquera persoa que viva no termo municipal libros, vídeos, revistas, etc. Se por mor da pandemia non podes acudir fisicamente á Biblioteca, podes chamarnos ou cubrir unha solicitude para que se che recollan os libros, películas ou revistas que te levas en préstamo, e tamén...