Martes, 05 Xuño 2018 12:20

Convocatoria para concesión de axudas para deportistas individuais do Concello de Soutomaior

Convocatoria para concesión de axudas para deportistas individuais do Concello de Soutomaior

A Concellería de Deportes do Concello de Soutomaior, sendo consciente das dificultades dos deportistas de modalidades individuais para progresar na súa formación integral e para participar en distintas competicións, convoca as axudas para a promoción e difusión do deporte e para impulsar a práctica deportiva.

Establécense as bases reguladoras da concesión destas axudas, de conformidade co disposto na Lei 38/03, de 17 de novembro, xeral de subvencións, e na Lei 9/07, de 13 de xuño, de subvencións de Galicia.

As solicitudes presentaranse, no Rexistro Xeral do Concello ou ben a través dos medios establecidos no artigo 38.4 da Lei 30/92, de 26 de novembro, de réxime xurídico e procedemento administrativo común.

Cando os deportistas sexan menores de idade as axudas terán que ser solicitadas pola nais, pais ou o titores.

Data límite para a presentación de solicitudes: 1 mes, contado a partir do seguinte á publicación da convocatoria no BOPPO. (venres 1 de xuño 2018)

  • Cada deportista só poderá optar a unha única axuda, independentemente do número de modalidades deportivas que practique.
  • Os/as que participen en competicións deportivas oficiais tanto de carácter provincial, galego, estatal como internacional e manteñan na data de presentación de solicitudes a súa actividade competitiva oficial e federada.
  • Os/as aspirantes terán que cumprir os seguintes requisitos:
  • Estar empadroado no Concello de Soutomaior antes do 01-01-2018
  • Estar federado no período para o que se solicita a axuda e na data de  solicitude da mesma dentro da modalidade que practiquen.
  • Estar ao corrente nas obrigas tributarias coa Facenda estatal e autonómica, así como estaren ao corrente das obrigas coa Seguridade Social.  
  • Os establecidos no artigo 13 da Lei xeral de subvencións e aplicables no presente caso.  
  • Non estar cumprindo sanción firme por infracción disciplinaria ou administrativa en materia deportiva, cualificada como grave ou moi grave.
  • As axudas reguladas nas presentes bases concederanse en réxime de concorrencia competitiva e baixo os principios de obxectividade, transparencia, igualdade, non discriminación, eficacia e eficiencia
  • As bases para a concesión de axudas pódense consultar en www.soutomaior.com

 

 


Publicado en Deportes
Descargar adjuntos:

18-bases-axudas-deportistas-individuais.pdf (781 Descargas)
Visto 1994 veces


Concellería de Deportes
Pavillón Municipal A Montesiña

Kick Boxing Arcade - 47 medallas no Campionato Galego

25-03-2021 / Deportes

O Kick Boxing Club Arcade obtivo 22 medallas de ouro, 15 de prata e 10 de bronce sendo o club galego máis laureado O Campionato Galego de Kickboxing 2021, que se celebrou en Ourense durante os días 20 e 21 de marzo. Organizado pola Federación Galega de Kickboxing, o campionato tiña que celebrarse o pasado mes de febreiro, pero as restricións sanitarias...

Posta en servizo das novas pistas de tenis e petanca

22-03-2021 / Deportes

O Alcalde de Soutomaior, Agustín Reguera, visitou , acompañado polos deputados provinciais, Héctor Santos e Ana Laura Iglesias, dúas actuacións que o Concello acaba de poñer en servizo e que foron financiadas a través do Plan Concello da Deputación de Pontevedra, as novas pistas de tenis e petanca na Montesiña e o último tramo da rede de saneamento dese mesmo...

Reapertura das pistas de tenis e pádel

24-02-2021 / Deportes

Debido ás novas medidas que alivian varias das restricións deportivas debido ao COVID en Galicia, o Concello de Soutomaior inicia, a partir do venres ás 00,00 horas, a apertura das pistas de tenis e pádel xa que a orde da Xunta permite que ata catro non conviventes poidan facer deporte de maneira conxunta. Tamén se volven a retomar as clases de...

Peche das instalacións deportivas

27-01-2021 / Deportes

Seguindo as normas marcadas pola Xunta de Galicia no seu DOG nº 16 Bis do 26-01-2021 en relación á práctica deportiva, o Concello de Soutomaior decide proceder ao peche de todas as súas instalacións deportivas ata a finalización da actual situación.

Suspendido o deporte federado autonómico

19-01-2021 / Deportes

Segundo ultimas noticias da Consellería de Sanidade as competicións deportivas federadas suspéndense a nivel autonómico e os deportistas deberán axustarse ao toque de queda e ao peche perimetral de cada concello. Debido a iso o Concello de Soutomaior pecha as súas instalacións ata novo aviso excepto para aquelas actividades deportivas que se usen cun máximo de 4 persoas.

Aprazamento do inicio das Escolas Deportivas

14-01-2021 / Deportes

Debido ás novas restricións indicadas pola Xunta de Galicia no Diario Oficial do día de hoxe, vémonos obrigados a aprazar o reinicio das  Escolas Deportivas ata novo aviso.

TV Concellería de Deportes