O Concello de Soutomaior acaba de iniciar os traballos de instalación do último tramo da rede de saneamento público no barrio da Montesiña.

A mellora conta cun orzamento de execución de 90.000 euros que serán financiados a través do Plan Concellos da Deputación e permitirán o tratamento dos residuos procedentes das dúas instalacións deportivas do municipio.

 Os traballos de mellora na rede de rede de sumidoiros consisten na instalación de case 700 metros de novas conducións e conexións. Ademais, para garantir o correcto funcionamento da rede de saneamento a pesar dos grandes desniveis do barrio da Montesiña, instalouse un pozo de bombeo equipado cunha electrobomba de gran potencia.

 A instalación deste último tramo de rede de sumidoiros, destinada a dar servizo ao complexo deportivo da Montesiña e ao campo municipal de fútbol de Candán ( Graciano Padin), onde xoga o C.D. Soutomaior, ademais de finalizar a rede de saneamento no barrio da Montesiña o Concello amplía o alcance da mesma en previsión de futuras necesidades.