O concello de Soutomaior estivo representado na Feira Internacional de Turismo (Fitur) enmarcado dentro do novo  xeodestino Ría de Vigo e Baixo Miño e a súa campaña “O primeiro reino medieval de Europa”. Representado polo alcalde de Soutomaior, Agustín Reguera, durante a presentación da nova marca turística pola importancia e cantidade de atractivos históricos que reúne.

O Concello de Soutomaior destaca, dentro desta nova marca turística, cun dos maiores atractivos medievais de Galicia, o Castelo de Soutomaior. Unha fortaleza do século XII que foi o centro do poder dun das grandes liñaxes históricas da Galicia medieval, os Soutomaior. Ademais, esta fortaleza foi escenario de varios dos episodios máis importantes da historia de Galicia como a guerra civil entre Pedro I de Castela e Henrique de Trastámara, as guerras con Portugal, as revoltas Irmandiñas ou os múltiples enfrontamentos entre os bispados de Tui e Santiago de Compostela.

A importancia da nova marca turística creada polo xeodestino para apoiar aos concellos máis pequenos xa que é moi difícil e custoso levar a cabo grandes campañas publicitarias para dar a coñecer os nosos atractivos turísticos, polo que este novo xeodestino supón unha gran oportunidade para levar o nome do Concello de Soutomaior a visitantes de todo o mundo,