O vindeiro venres 2 de xuño terá lugar unha xornada de seguridade viaria dentro da campaña “Faite Ver”, de mellora de seguridade viaria, e que é posible grazas á colaboración conxunta da Consellería de Medio Ambiente, a DXT e o Concello de Soutomaior. Nesta ocasión os esforzos centraranse fundamentalmente no que incumbe á seguridade dos peóns.
A primeira das charlas será na Casa da Cultura de Soutomaior ás 19,45 horas e o mesmo día ás 21,00 horas no Multiusos de Arcade.
Ademais da explicación dos contidos didácticos, duns 40 minutos de duración, a actividade complementarase coa entrega a cada participante dun chaleco reflector.
Este tipo de campañas, que, aínda que orientadas a todo tipo de usuarios, fai especial fincapé nas persoas da terceira idade pertencentes ao rural.
Desde o Concello de Soutomaior o obxectivo será contribuír a erradicar a sinistralidade nas nosas estradas, e sobre todo, evitar os accidentes en que se vexan involucrados peóns.