Comezamos coa XII Edición do Concuso en lingua galega Verbas para Comunicar que convoca a Concellería de Xuventude do Concello de Soutomaior. Vai dirixido a mozos e mozas en idades comprendidas entre os 12 e os 20 anos. Co gallo do Día das Letras Gaelgas o Concello de Soutomiaor promove este concurso que relaciona comunicación, mocidade e lingua galega. Co fin de fomentar que a mocidade fale e se exprese en lingua galega en todos os contextos, tanto formais como informais, no eido do lecer e das comunicación mediante a tecnoloxía.
O concurso ten dúas modalidades de participación: unha de redacción e outra audiovisual. Hai dúas categorías unha dirixida a mozos e mozas de 12 a 14 anos e outra para idades de 15 a 20 anos. Na modalidade audiovisual a presentación pode ser individual en grupal co cal tamén se fomenta o traballo en equipo. A temática é libre. O prazo de presentación remata o 7 de maio de 2019 ás 20.30 h e o lugar de presentación é a OMIX. Premiaranse ata 6 traballos nas modalidades de redacción individual e audiovisual individual e na audiovisual grupal en cada categoría haberá tres premios. A maiores o día da entrega de premios sortearanse dous diccionarios e haberá un agasallo para todas as persoas que participen.
As bases completas poden consultarse na web https://www.gabinetesoutomaior.com/index.php/moceando/verbas-para-comunicar ou poderán pedirse na OMIX. Tamén teñen esta información os centros educativos do municipio.