Trátase dun servizo municipal do Concello de Soutomaior de extensión bibliotecaria posto en marcha a través da Biblioteca Municipal "Luís Seoane" co fin de achegar a lectura ás persoas que teñan dificultades para acceder a ese servizo de forma presencial ou que o necesiten.

Para solicitar o servizo hai varias opcións:

Desde a Concellería de Cultura enviamos cartas a todas as asociacións rexistradas no rexistro local de asociacións do Concello para que estas entidades tamén poidan solicitar este servizo para achegar o servizo a todos os barrios e ter un punto de referencia próximo á súa casa. Tamén se enviou unah carta a todas as persoas maiores de 55 anos pois as persoas maiores ás veces son as que maior dificultade teñen de achegarse aos servizos presencialmente ou informarse a través das novas tecnoloxías. Co fin de achegar a cultura e a lectura a todas as persoas este servizo xa está en marcha e en calquera momento as persoas interesadas poden comezar a recibir os seus pedidos en préstamos de todos os fondos da Biblioteca Municipal Luís Seoane. Actualmente, a maiores de persoas individuais xa están participando os centros de maiores Soutomaiores e Boas Apertas e tamén a asociación do Val Sobral. Animámosvos a todos e a todas a informarvos e solicitar este servizo.