Venres, 16 Abril 2021 10:28

A Xunta axuda aos veciños de Lourido para mellorar as súas instalacións

A Xunta axuda aos veciños de Lourido para mellorar as súas instalacións

Os veciños do barrio de Lourido, en Soutomaior, xa dispoñen dun novo local social totalmente remodelado e adaptado a persoas con mobilidade reducida. A mellora foi presentada hoxe durante a visita da directora xeral de Administración Local, Natalia Prieto, a delegada territorial da Xunta en Vigo, Marta Fernández-Tapias, e o alcalde, Agustín Reguera.

A actuación financiada polo ente autonómico por importe de 12.000 € consistiu nunha reforma da cuberta exterior do centro social e unha mellora en materia de accesibilidade e seguridade. Así, elimináronse as barreiras arquitectónicas existentes coa instalación dunha rampla de acceso e unha varanda de protección no novo soportal da entrada principal. Ademais, para evitar filtracións e mellorar a climatización instalouse unha nova xanela.

Este ano a Xunta renovou o investimento de 2,5 millóns de euros para estas axudas, que na convocatoria do ano pasado permitiron levar a cabo obras nos locais sociais e instalacións comunitarias de 190 asociacións da comunidade, así como na adquisición de equipos para o seu funcionamento ou na reparación de traídas de auga veciñais.


Visto 162 veces

Concellería de Participación Veciñal
Casa do Concello

A Xunta axuda aos veciños de Lourido para mellorar as súas instalacións

16-04-2021 / Participación Veciñal

Os veciños do barrio de Lourido, en Soutomaior, xa dispoñen dun novo local social totalmente remodelado e adaptado a persoas con mobilidade reducida. A mellora foi presentada hoxe durante a visita da directora xeral de Administración Local, Natalia Prieto, a delegada territorial da Xunta en Vigo, Marta Fernández-Tapias, e o alcalde, Agustín Reguera. A actuación financiada polo ente autonómico por importe...

Día dos nosos maiores

08-04-2019 / Participación Veciñal

Dia  dos nosos maiores - 21 de abril O Concello de Soutomaior organiza unha excursión para os maiores empadronados a  Lugo . Ás 8:15 h, saída dende as paradas do transporte escolar en Soutomaior. Ás 8:30h, saída dende o Cruce de Pierres , en Arcade. A viaxe e o xantar son gratuitos para os xubilados empadronados no Concello de Soutomaior. Os acompañantes deberán abonar...

Día dos nosos maiores - Domingo 13 de maio 2018

24-04-2018 / Participación Veciñal

O Concello de Soutomaior organiza unha excursión para os maiores  empadroados a Ourense e xantar no Restaurante Carballeira de Santa Cruz. As saídas serán as 9,15 h dende as paradas do transporte escolar en Soutomaior e ás 9,30 horas dende o cruce de Pierres en Arcade. A viaxe e o xantar son gratuitos para os xubilados empadroados no Concello de Soutomaior (os...

Manuel Seoane Lorenzo cumpre 100 anos

20-11-2017 / Participación Veciñal

O veciño de Arcade, Manuel Seoane, celebrou os seus 100 anos en compañía de familiares e amigos. O alcalde de Soutomaior, Agustín Reguera, sumouse ás felicitacións e fíxolle entrega dun agasallo de parte do Concello como homenaxe. Manuel Seoane é unha persoa moi coñecida en Arcade propietario do Bar Ostricola durante moitos anos e así mesmo foi presidente do C.D. Arcade...

Día dos nosos Maiores - 14 Maio

04-04-2017 / Participación Veciñal

O Concello de Soutomaior organiza unha excursión para os maiores empadronados a  PADRÓN e xantar en TEO : Ás 9:15 h, saída dende as paradas do transporte escolar en Soutomaior. Ás 9:30h, saída dende o Cruce de Pierres , en Arcade. A viaxe e o xantar son gratuitos para os xubilados empadronados no Concello de Soutomaior. Os acompañantes deberán abonar 20 €. Poderán anotarse...

Charla informativa Cláusulas chan

08-02-2017 / Participación Veciñal

O Multiusos de Arcade acolle hoxe mércores día 8 a partir das 20 horas unha xornada informativa sobre as cláusulas chan e os gastos hipotecarios, que impartiránn os técnicos da Unión de Consumidores de Galicia. Esta actividade centrase en axudar á veciñanza amesá a despexar as súas dúbidas sobre as cláusulas chan e o impacto que a recente sentenza do Tribunal de Xustiza...