Mañá venres 26 de novembro, terá lugar o derradeiro evento da campaña de aforro enerxético elaborada polo concello de Soutomaior co fin de proporcionar información detallada a toda a veciñanza que se achegue sobre mellores hábitos de consumo e dar recomendacións que se trasladen nun aforro enerxético.
As medidas de aforro enerxético que as técnicas transmitirán ós usuarios e ás usuarias axudarán a protexer ó medio ambiente e a reducir a factura enerxética nas vivendas.
Tódalas persoas interesadas na campaña recibirán material divulgativo con información e consellos, mais aquelas que acudan cunha lámpada convencional serán agraciadas cunha lámpada de baixo consumo no seu lugar.