Mércores, 21 Decembro 2016 13:50

Charla sobre aforro enerxético

Charla sobre aforro enerxético

O Multiusos de Arcade acollerá este venres unha xornada informativa a cargo de técnicos do Instituto Enerxético de Galicia. Baixo o título “Dálle luz á ti factura”, esta iniciativa pretende achegar información á poboación para entender mellor a súa factura pola enerxía eléctrica, así como dar ferramentas para reducila ata nun 75%. A charla dará comezo ás 18:45 horas.

dalle luz a túa factura

A campaña ten como obxectivo facilitar a comprensión do recibo eléctrico por parte dos veciños ademais de axudarlles a reducir o seu gasto centrando a súa atención en varios aspectos básicos como o tipo de contrato do fogar, a potencia contratada, a eficiencia do fogar e os aparellos eléctricos ou valorar a discriminación horaria.

Do mesmo xeito, a xornada pretende dar a coñecer entre os asistentes varios dereitos como consumidores eléctricos que normalmente son pouco coñecidos e achegarase información sobre como realizar diversos trámites ou presentar reclamacións ante as compañías eléctricas.

Un dos principais puntos a tratar durante a charla será a protección dos consumidores máis vulnerables, para os que explicarán medidas como o tícket eléctrico social, medida orientada a evitar o corte de subministración por falta de pagamento, ou o Plan de aforro e eficiencia enerxética nas vivendas galegas, dirixido a mellorar as infraestruturas e o uso de fontes de enerxía renovables.




Concellería de Medio Ambiente
Casa do Concello

Día mundial do medio ambiente “Composteiros”

05-06-2019 / Urbanismo e Medio Ambiente

O concello de Soutomaior recibiu unha partida dende a Deputación de Pontevedra de 30 composteiros individuais xunto con outros tantos aireadores para poder remexer no interior dos mesmos. Estes novos composteiros únense ós máis de 60 xa repartidos dende comezo de ano dende o concello polo mestre composteiro ó cargo para xestionar os biorresiduos xerados nos fogares que dispoñan de horta...