Venres, 04 Decembro 2015 10:08

Apoiando o comercio local

Apoiando o comercio local

APOIANDO O COMERCIO LOCAL

O tradicional aceso da iluminación do Nadal ten un dobre significado este ano no Concello de Soutomaior.

Ademais de anunciar o comezo das actividades festivas municipais, nesta ocasión, sinala tamén o comezo dunha campaña de apoio ao comercio local impulsada polo Concello.

Unha iniciativa que pretende reforzar o impulso que a iluminación do Nadal supón para o pequeno comercio.

Ademais de embelecer as nosas rúas, a iluminación do Nadal reforza a actividade comercial. “A intención é concentrar ese impulso no pequeno comercio local, que é a base da economía municipal”, afirmou o alcalde, Agustín Reguera, tras o próximo aceso da árbore de nadal municipal instalado na alameda Talo Río en Arcade.

A iniciativa xa repartiu centos de carteis para concienciar aos veciños polos establecementos comerciais de Arcade e Soutomaior co slogan “Compra no comercio local. Beneficiaches ti, Beneficiámonos todos”, e distribuirá durante os próximos días máis de 2500 bolsas de tea co mesmo texto para facer chegar a todos os veciños os beneficios que leva realizar as compras diarias nos pequenos locais comerciais do municipio.

As bolsas entregadas son reutilizables para fomentar condutas ecolóxicas nos hábitos de comercio e o abandono das tradicionais bolsas de plástico por parte da poboación.


Publicado en Novas Tecnoloxías
Visto 1519 veces

Concellería de Novas Tecnoloxías
e Comercio

Casa do Concello

Campaña promoción comercio local – Entrega de cheques regalo

03-01-2019 / Novas Tecnoloxías

O Concello de Soutomaior pechou a pasada semana a súa campaña do Nadal de apoio ao comercio local coa entrega dos 100 cheques regalo, por valor de 5.000 euros, que se sortearon entre todas as compras realizadas nos establecementos do municipio entre o 30 de novembro e o 24 de decembro. Os cheques regalo poderanse trocar nos establecementos adheridos á campaña...