Mércores, 26 Setembro 2018 11:21

Venres 28 desde as 21.00 h.

II Gala do Deporte

II Gala do Deporte

O Multiusos de Arcade acollerá o vindeiro venres día 28 desde as 21.00 horas a II Gala do Deporte do Concello de Soutomaior, organizado co obxectivo de homenaxear a clubs, deportistas e veciños que destacaron pola súa traxectoria e colaboración no ámbito deportivo.

Tamén se recoñecerán os méritos de deportistas empadroados no Concello que practican modalidades distintas aos dos clubs locais.

O acto será presentado por Terio Carreira e Cándido Pazó.

Inicialmente serán presentados os 4 novos equipos federados. Son os equipos de fútbol de veteranos do Arcade e Verduxo, club Petanca Arcade e o club ciclista Arcadecycles Team.

Serán distinguidos 5 clubs federados polos seus meritos deportivos ao longo da ultima tempada: C.D.Soutomaior (equipo xuvenil) C.D.Arcade (Equipo 1ª rexional), Arcadia E. F. (Liga galega feminina), Club Tenis e Padel Soutomaior, C.D.Arcade infantil e Club Patinaxe Artística Soutomaior.

Haberá un recoñecemento á Asociación Veciñal Pozo Vello pola organización da Baixada de Carrilanas en Arcade

Os directivos Enrique Rodríguez e Eduardo Gil polas súas longas traxectorias no C.D.Soutomaior e o C.D.Arcade.

Así mesmo farase unha homenaxe especial a Alfonso Pazos do Club Baloncesto Arcade (que cumpre 73 anos desde a súa fundación) xa que se quere significar a súa especial vinculación durante tantos anos co club tanto como adestrador como presidente.

Os distinguidos como adestradores serán Manuel Alvarez (Lito) Kikck Boxing e Pablo Ortega.( Whu- Shu)

De carácter individual serán galardoados polos meritos deportivos da pasada tempada os seguintes:

 Antonio Palmas , Brais Sanchez e Daniela Alvarez en piragüismo. Carlota Veiga – Ricardo Figueroa (Orientación) David Vilán, Alejandro Calvar e Lucia Bouzón en fútbol masculino e feminino.Monica Alarcón en ciclismo,Mateo Crespo en Crossfit , Sofia Alvarez e Alexia Ortega en artes marcíais.Rita Lorenzo , Ainara Calvar e Aldara Cabaleiro en Ximnasia Acrobática.

A parte mais emotiva do acto pretende ser o recoñecemento a antigos deportistas do Concello para agradecerlles a súa importante contribución ao deporte.

Serán recoñecidos como “lendas” Daniel Alvarez – Luís Miguez – Francisco Vilán -Carlos Abal – Jesús Martinez – Rodolfo Rodiño-Francisco Porto -Gonzalo Miñán e Francisco Garcia.

 O Alcalde de Soutomaior, Agustín Reguera, convida a asistir a todo o mundo a esta II Gala do Deporte onde se xuntará toda a familia deportiva e recoñeceremos aos distintos homenaxeados o seu labor e contribución ao deporte,

 


Publicado en Deportes e Pavillón


Concellería de Deportes
Pavillón Municipal A Montesiña

Técnicos FIFA homologan o Campo de Fútbol de Salgueirón (Arcade)

29-11-2018 / Deportes e Pavillón

O antigo céspede artificial do campo de Salgueirón (Arcade) foi substituído por un de última xeración xa que a anterior superficie que levaba 12 anos instalada e xa non superaba as probas de absorción de impactos e o seu estado estaba moi afastado dos parámetros mínimos esixidos na Norma UNE. O novo céspede instalado é de última xeración fabricado mediante sistema...

Alfonso Pazos (C.B.Arcade) – Distinción ao merito deportivo

07-11-2018 / Deportes e Pavillón

A Secretaría Xeral para o Deporte da Xunta de Galicia entregará o vindeiro martes 13 de novembro as distincións ao mérito deportivo de Galicia na súa edición 2018 nun acto que se celebrará no Auditorio Abanca de Santiago de Compostela.  O presidente do Club Baloncesto Arcade está entre os distinguidos (a petición do Concello de Soutomaior) pola súa longa traxectoria tanto...

Campionato Galego Seleccións Comarcais

30-10-2018 / Deportes e Pavillón

O vindeiro xoves día 1 celebrarase nos campos municipais de fútbol de Arcade e de Soutomaior a primeira fase do campionato galego de seleccións comarcais. Máis de 300 nenos e nenas disputarán nos dos campos este campionato onde participarán as seleccións de Ferrol, A Coruña, A Costa da Morte, Santiago de Compostela, Lugo, Pontevedra, Vigo e Ourense.  Dividense en categorías masculinas e...

Emotiva II gala do deporte

02-10-2018 / Deportes e Pavillón

O Multiusos de Arcade acolleu o pasado venres a II Gala do Deporte do Concello de Soutomaior,. O obxectivo de homenaxear a clubs, deportistas que destacaron pola súa traxectoria deportiva cumpriuse con fartura.  Foron presentados os 4 novos clubs federados como os de fútbol veterano Arcade e Verduxo así como o Club Petanca e o club ciclista Arcadecycles Team. Os deportistas distinguidos e...

II Gala do Deporte

26-09-2018 / Deportes e Pavillón

O Multiusos de Arcade acollerá o vindeiro venres día 28 desde as 21.00 horas a II Gala do Deporte do Concello de Soutomaior, organizado co obxectivo de homenaxear a clubs, deportistas e veciños que destacaron pola súa traxectoria e colaboración no ámbito deportivo. Tamén se recoñecerán os méritos de deportistas empadroados no Concello que practican modalidades distintas aos dos clubs locais. O...

Recibimento a Antonio Palmas e Brais Sánchez

19-09-2018 / Deportes e Pavillón

Antonio Palmas e Brais Sánchez foron recibidos no Concello de Soutomaior polo Alcalde de Soutomaior, Agustín Reguera, pola súa traxectoria deportiva e sobre todo polos últimos logros en competicións de alto nivel do piragüismo. Este ano foron os vencedores do 47 Descenso Internacional do Miño, lograron tamén a primeira posición no XLI Trofeo Princesa de Asturias e 5º clasificados no 82º...