Venres, 10 Agosto 2018 11:51

XXIV Concentración Seat 600

XXIV Concentración Seat 600

Este domingo día 12 de agosto, a partir das 11:00 horas, terá lugar o tradicional encontro entre afeccionados aos “pelotillas”, como se coñece popularmente ao Seat 600, no Peirao.

Unha cita que alcanza este ano a súa XXIV edición e converteuse nun auténtico referente nacional para os amantes deste clásico das nosas estradas. Decenas de, o que para moitos foi o seu primeiro coche, volverán encher as rúas de Arcade de innumerables recordos no seu tradicional percorrido ata o Peirao.

22 clubs dos distintos lugares da comunidade galega e do resto de España farán posible que se reunan preto dun centenar de seat 600.

O sábado 11 desde as 16,00 ás 19,00 horas, no Peirao de Arcade, darase a benvida aos participantes, realizaranse as inscricións e sobre as 22,00 horas terá lugar unha cea de confraternidade.

O domingo a partir das 11,00 horas os participantes concentraranse na chaira do Peirao para ás 11,30 horas realizar unha ruta por distintos lugares da nosa provincia.

Por parte do Concello de Soutomaior farase entrega dun recordo desta concentración a cada unha das agrupacións e clubs participantes


Publicado en Deportes e Pavillón


Concellería de Deportes
Pavillón Municipal A Montesiña

Substitución do pavimento deportivo no pavillón Municipal A Montesiña

22-05-2019 / Deportes e Pavillón

 O Concello de Soutomaior pon en marcha o concurso de subministración e colocación de pavimento deportivo tipo areaelastico con acabado de haxa sobre soportes elásticos de caucho. Este concurso convócase por segunda vez xa que a anterior adxudicataria á hora de fornecer o material non cumpría os parámetros definidos na adxudicación segundo informes dos técnicos municipais polo que se lle cancelou...