Xoves, 22 Outubro 2015 12:52

5 Millóns de Euros para o Instituto de Arcade

A XUNTA DESTINA 5 MILLÓNS DE EUROS PARA A CONSTRUCIÓN DO INSTITUTO DE ARCADE

A primeira partida, de 1,5 millóns, permitirá o comezo das obras o próximo ano.

O maior proxecto da Xunta de Galicia no Concello de Soutomaior, o Instituto de Arcade, segue a súa marcha. Así o confirmou o goberno autonómico coa inclusión dunha partida de máis de 5 millóns de euros nos seus orzamentos xerais.

En total contémplase un investimento de 5.008.662 euros, á que haberá que sumar os investimentos realizados por outros organismos, como o propio Concello, para afrontar a urbanización da contorna no que se situará o novo instituto público.

O calendario plurianual fixado para a construción do centro escolar establece unha división do financiamento en tres partidas. A primeira delas, de 1,541.670 euros, chegará en 2016 para afrontar o inicio das obras e as primeiras licitacións. O groso do financiamento chegará en 2017, ano no que segundo o calendario previsto hase de construír a maior parte do instituto, e achegará 2,5 millóns de euros. Por último, para o ano 2018, o calendario establece un investimento de 966.992 euros para finalizar a obra, alcanzando así a suma total de 5.008.662 euros.

O alcalde de Soutomaior, Agustín Reguera, mostrouse moi satisfeito pola inclusión dos fondos necesarios para a construción do instituto nos orzamentos da Xunta de Galicia. “Con isto demóstrase o que viñemos dicindo desde hai tempo, que o instituto chegará e que contamos co apoio da Xunta para facelo posible tal e como pedimos, con secundaria e bacharelato”, afirmou o rexedor local, que valorou esta gran aposta do goberno galego nos orzamentos autonómicos como unha demostración do compromiso adquirido co Concello de Soutomaior.


Publicado en Alcaldía


Alcaldía
Casa do Concello

A concurso a cafetería do novo instituto

24-07-2018 / Alcaldía

O Concello de Soutomaior faise eco da publicación para fomentar o acceso ao proceso por parte dos veciños  A Xunta de Galicia acaba de sacar a concurso a concesión da cafetería do novo instituto público de Soutomaior, que entrará en servizo o próximo mes de setembro. O anuncio aparece recollido na web municipal e conta cunha ligazón á publicación orixinal para...