Mércores, 20 Febreiro 2019 10:02

Obras de restauración da Ponte de Comboa

Obras de restauración da Ponte de Comboa

 O Concello de Soutomaior acaba de iniciar os traballos de restauración da ponte medieval de Comboa.

 Unha actuación destinada a poñer en valor un símbolo do patrimonio cultural e histórico de Soutomaior.

Os primeiros traballos comezaron a pasada semana coas tarefas de recuperación da contorna da ponte. Con eles preténdese recuperar a contorna ambiental orixinal do enclave, polo que se eliminaron as especies de flora consideradas invasoras, como a acacia ou a mimosa, para potenciar as especies autóctonas, como o carballo ou o bidueiro.

Unha vez terminada a recuperación ambiental da marxe esquerda, esta semana empezaron as primeiras tarefas de restauración na ponte, centradas na limpeza da parte superior do conxunto e a retirada da capa de asfalto que cobre a calzada orixinal. Unha vez retirada procederase á limpeza de todo o conxunto mediante métodos manuais. Estes traballos realizaranse con produtos xabonosos neutros e non abrasivos que garantan a prefecta conservación de todos os elementos orixinais da ponte.

A continuación, e seguindo as directivas de Patrimonio, instalarase o pavimento de jabre para garantir a súa integración total coa estética do conxunto.

Ademais, aproveitaranse os aliviadoiros propios da ponte de maneira que tamén se recuperará o sistema orixinal de drenaxe da calzada. Os traballos estarán finalizados nas próximas semanas xa que se trata dun proxecto complexo e afrontado unicamente co orzamento municipal




Concellería de Cultura
Casa do Concello

Monicreques para nenos e adultos – Ocelot Teatro

21-05-2019 / Cultura, Turismo e Patrimonio

Alameda Talo Río – Martes 21 de maio ás 17,30 horas. Ocelot Teatro é unha compañía fundada por José Amaya en 1980 no Salvador, comezando así a xirar tanto por Latinoamericana coma por Europa, e traballando en diferentes proxectos onde os títeres mestúranse co compromiso ante a necesidade dun mundo máis sostible. Ocelot ten esa esencia latina dos títeres de luva onde hai...