Venres, 22 Outubro 2021 10:54

Campaña do 25N, día Internacional contra as violencias machistas

Campaña do 25N, día Internacional contra as violencias machistas

 Desde a concellería de Igualdade do Concello de Soutomaior e o CIM, ponse en marcha a Campaña do 25N, día Internacional contra as violencias machistas, baixo o lema ULTRAVIOLETA.

A campaña, que continúa na senda dos obxectivos marcados no ano 2020 contra a violencia de xénero, ten coma principal obxectivo, poñer o foco, sobre as violencias menos visibles, mais non por iso menos perigosas ou menos presentes na nosa sociedade.

A luz Ultravioleta ou luz negra, ten entre outras aplicacións prácticas, na ciencia forense, a posibilidade de resaltar en cores fluorescentes na escuridade diferentes fluídos, tonos e rastros que pasan desapercibidos na luz do día, facilitando así a súa detección. A campaña, pretende do mesmo xeito, resaltar e axudarnos a detectar como sociedade, violencias que temos normalizadas, ou incluso xustificadas, dentro das relacións de parella que son un xeito de abuso e violencia emocional, e teñen unhas consecuencias importantes na saúde das mulleres, tanto a nivel psicolóxico coma físico, e que na actualidade forman un problema de saúde pública para a nosa cidadanía.

ULTRAVIOLETA, 25N, SOUTOMAIOR quere suliñar e poñer nome a todas esas desigualdades e abusos, dando luz para detectalas e identificalas como formas de violencias machistas que nos afectan de xeito transversal e estrutural a todas as mulleres, con maior ou menor intensidade, nalgún dos ámbitos das nosas vidas.

A campaña ULTRAVIOLETA, ilustrada pola artista viguesa Andrea Jano, e que xa vestiu o 25N do 2020 , desenvolverase coa participación do comercio local que o desexe, que dará visibilidade nos seus establecementos e escaparates á mesma e repartirán ao longo da xornada material da campaña.

As comerciantes que queiran participar na campaña, deben anotarse na web, para concretar cita para a recollida do material no Centro Multiusos en Arcade.

PROGRAMACIÓN 2021:

•                    • Invisibles: 30 de Outubro as 21h, no salón de actos do edifico Multiusos de Arcade. Representación da obra de teatro, baseada no libro homónimo de Monste Fajardo e gañadora de tres premios de teatro María Casares.

Invisibles é unha obra de teatro que presenta a tres mulleres, sete testemuñas todas cun fío común: a violencia de xénero. Esta baseado en historias reais protagonizadas por mulleres galegas, historias de violencia. A obra pretende concienciar e sensibilizar ás persoas espectadoras.

•                    • “O Candil”: 13 de novembro as 21h. no salón de actos do edificio Multiusos de Arcade. É unha comedia musical interactiva, sobre tres mulleres moi distintas, que buscan o propio ser ante un momento de confusión e cambio de mentalidade global. Atopámonos nos anos 1918. O musical é de balde. Prazas ate completar aforamento

•                    • A Biblioteca Municipal Luis Seoane, acollerá o día 26 de Novembro ás 18h. na biblioteca Luís Seoane de Arcade, a presentación do libro “Calladita no eres más bonita”, escrito por Nuria Prieto, baseado en testemuñas reais de mulleres novas menores de 30 anos ,vítimas de violencia machista ,a cargo da EDITORIAL MERAKI. Para a presentación e a posterior charla coloquio contaremos coa presenza da escritora e máis de Esther, testemuña no libro, que nos falará en primeira persoa sobre a súa historia.

Así mesmo, facilitará o préstamo de bibliografía respecto a esta temática ao redor da Campaña do 25N. ULTRAVIOLETA.

Todos os espectáculos e actividades terán entrada gratuíta e libre ata completar aforo.

.


Publicado en Igualdade
Visto 122 veces


Concellería de Igualdade
CIM - Multiusos de Arcade

Andaina “O rural contra a violencia de xénero”

11-11-2021 / Igualdade

O GDR Pontevedra-Morrazo está a organizar dentro da campaña Rachemos coa Indiferenza e baixo o lema (común de todos os GDR de Galicia) "O RURAL CONTRA A VIOLENCIA DE XÉNERO" unha andaina que se celebrará o VINDEIRO 13 DE NOVEMBRO co obxectivo de concienciar e loitar contra a violencia de xénero no marco do Pacto de Estado contra a violencia...

Teatro: “O Candil”

10-11-2021 / Igualdade

Este sábado no Multiusos de Arcade á 21,00 horas, continuando coas actividades do 25 N, representarase a obra “O Candil”. A entrada será gratuíta ata completar aforo.  “O Candil” revive algunas das nosas figuras teatrais máis internacionais e representativas como a Bella Otero ou a “Princesa Borbón”; e outras empresarias como Lino Pérez ou Isaac Fraga, facendo con elas memoria das nosas...

Teatro. “Pelos na lingua”

05-11-2021 / Igualdade

Este domingo ás 20,00 horas no Multiusos de Arcade represéntase a obra “Pelos na lingua” dentro do programa de dinamización lingüística “FalaRedes” da Xunta de Galicia.  Non é necesaria a inscrición xa que será por orde de chegada ata completar o aforo Pelos na lingua vai destinado a todo o mundo (e non esaxeramos), independentemente da súa posición respecto a a lingua:...

Participación do comercio na campaña do Ultravioleta 25N

02-11-2021 / Igualdade

Se tes un establecemento é estás interesada en participar e difundir a campaña do 25N, tes que poñerte en contacto co CIM a través do seguinte enlace ou ben chamando o número do Concello( 986705106) para anotarte na campaña. Unha vez teñamos a túa solicitude de participación, o CIM porase en contacto para facilitar o material da campaña. Esperamos que vos...

25 N – Redrum Teatro: Invisibles

26-10-2021 / Igualdade

Dentro da campaña do 25 N (día internacional da eliminación das violencias machistas) o Concello de Soutomaior presenta  odía 30 de Octubro ás 21h, no auditorio do Centro Multiúsos de Arcade, representación da obra INVISIBLES a cargo da compañía Redrum Teatro. Invisibles presenta a tres mulleres de idades e perfis sociais diferentes. Sete testemuñas repartidas en sesenta minutos con un fio...

Participación do comercio na campaña do Ultravioleta 25N

25-10-2021 / Igualdade

Desde o Concello de Soutomaior, a través do CIM (Centro de Información á Muller) poñemos en marcha a campaña “Ultravioleta” dando luz ás violencias invisibles, con motivo do 25N Día Internacional da Eliminación das Violencias Machistas. No ano 2000 a Asemblea Xeneral de Nacións Unidas adopta unha resolución que designa o 25 de novembro como o Dia Internacional da Eliminación...