Aberto o prazo de inscrición para participar nas actividades deseñadas pola Concellería de Educación do Concello de Soutomaior para as vacacións do Nadal. Este ano a proposta versa sobre ciencia, arte e tecnoloxía. Dun xeito lúdico os rapaces e rapazas poderán achegarse a todos estes temas e descubrir moitas cousas a través da experimentación e da creación. As actividades van dirixidas a persoas de 4 a 17 anos e son distintas en función da idade de cada grupo de participantes.
Grupos:
Infantil: 4 a 7 anos; Actividades: creación de aeronaves e avións, inventos, experimentos científicos, cociña robótica, a invasión artística dos soutos nas rúas, un ovo na lúa
Xuvenil 1: 8 a 11 anos; Actividades: inventos con historia e unha historia de inventos, maquinarbores, inventos, experimentos científicos, cociña robótica, modelado3D, programación con CODE.
Xuvenil 2:12 a 17 anos; Actividades: experimentos científicos marchosos, experimentos Be water my friend, o que o ollo non ve, xpgando con lume, modelado3D, programación con CODE.
As prazas limitadas por grupo son 20 como máximo. Realizaranse os días 26 e 27 de decembro; 2 e 3 de xaneiro en horario de:11,00 a 13,00 h A maior parte levaranse a cabo no Multiusos pero tamén haberá actividades no exterior e saídas si o tempo o permite para realizar intervencións artísticas na Alameda de Talorío.
O custe por participar nestas actividade é para empadroados-as 5 €;e para non empadroados-as 15€
Máis información e inscricións: ata o 20 de decembro na OMIX, Multiusos (Arcade) ou ata cubrir prazas.