Onte foi un día especial para moitos/as estudantes dos institutos do  Concello. Tras meses de preparación, traballo e estudo, por fin puideron mostrar ante todos os seus veciños o froito do seu esforzo. Onte, a alameda de Talo Río acolleu durante todo o día un tráfico constante de curiosos e curiosas, alumnos e alumnas doutros centros, e pais e nais orgullosos por ver aos seus fillos e fillas expoñer ante a multitude os seus proxectos científicos.

Ás 10.00 horas, o alcalde de Soutomaior, Agustín Reguera, inaugurou xunto á  concelleira de Educación, Fátima Vidal, e á  concelleira de  Xuventude, Noelia Ocampo, a Feira, dando inicio a unha xornada que contou con varios  obradoiros destinados tanto a público infantil como a público adulto, ademais de preto dunha vintena de expositores.

Durante a mañá, a Feira recibiu a visita de varios centros escolares tanto de dentro como de fóra de Soutomaior. As visitas guiadas que  disponibilizou o  Concello permitiron a escolares e outras agrupacións como centros de día, percorrer todos os postos. Ademais, cada visitante puido votar pola súa stand preferido, uns votos que, xunto aos do xurado ‘profesional’, foron clave na entrega de premios do final.

Xa pola tarde, notouse unha maior afluencia de veciños/as e público adulto. Moitos pais e nais acudiron a partir das 16.00 horas á Feira para descubrir o resultado do proxecto no que tanto traballara o seu/sua fillo/a.

Para finalizar este evento, e tras un breve, pero intenso, espectáculo de ciencia, tivo lugar a entrega de premios. Ademais, entregouse a cada participante un diploma, así como aos profesores/as involucrados/as.

A I Feira da Ciencia de Soutomaior, é colofón final do Plan  Divulgaciencia, que conta co apoio dá  FECYT e  do Ministerio de Ciencia e Innovación e que leva meses achegando todo tipo de talleres científicos aos centros escolares de Soutomaior.