A Concellería de Educación de Soutomaior acaba de repartir 960 axendas escolares entre os alumnos dos diferentes centros de educación pública do municipio.

Este é o cuarto ano en que o Concello de Soutomaior encárgase da edición e entrega destas axendas ideadas co obxectivo de proporcionar aos estudantes unha ferramenta coa que mellorar a organización das súas tarefas e que á vez sirva para facer máis fluída a comunicación entre pais e profesores.

A edil de educación de Soutomaior, Fátima Vidal, realizou esta semana a entrega nos diferentes centros para que todos os estudantes poidan telas dispoñibles desde o primeiro día de curso.

Ademais dun calendario detallado e axustado ás necesidades dos escolares, como apartados para o horario escolar, exames e deberes, a axenda escolar para o curso 2021-2022 inclúe todos os programas municipais relacionados coa educación que levan a cabo durante o ano, como talleres e actividades de diversos tipos.

Do mesmo xeito, a axenda tamén inclúe contidos para promover a normalización da lingua galega entre o alumnado, as conmemoracións e datas destacables, así como unha listaxe dos principais teléfonos e emails de interese para os escolares.