O Concello de Soutomaior informa que o funcionamento do servizo de impresión de tarefas escolares posto a disposición das familias do Concello de Soutomaior con motivo do Estado de Alarma derivado do COVID-19 a partir do mes de maio adaptarase ás novas circunstancias derivadas do proceso de "desescalada" previstas nesta situación tan excepcional.
Seguirase prestando este servizo a todas as familias empadroadas no Concello de Soutomaior que o precisen, estipulándose unha serie de indicacións que se deberán ter en conta á hora de enviar a documentación para así garantizar que podemos chegar a todos os veciños e veciñas. Reorganizando este servizo, tendo en conta a demanda que ten actualmente, para que o funcionamento do mesmo se adapte ás novas circunstancias e así poidamos seguir atendendo esta demanda das familias que o precisen e repartir os deberes que necesariamente deben ser impresos, na maior brevidade posible. Consulten as indicacións no documento que se acompaña ou aquí abaixo. Para que todas as persoas teñan os deberes a tempo teñan en conta tamén as indicacións que o profesorado fai sobre a necesidade ou non de imprimir determinados materiais pois algúns deles poden ser simplemente de consulta.
FUNCIONAMENTO DO SERVIZO DE IMPRESIÓN DE TAREFAS ESCOLARES A PARTIR DO MES DE MAIO:
- As persoas interesadas deberán enviar a documentación ó correo electrónico: Este enderezo de correo está a ser protexido dos robots de correo lixo. Precisa activar o JavaScript para velo., indicando o nome, enderezo e número de teléfono de contacto.
- O servizo soamente se presta a persoas empadroados porque non temos competencias de reparto noutros Concellos.
- Non poderán imprimir libros completos(si envían un libro indiquen as páxinas a imprimir). Si son fichas valorarase a cantidade e a obrigatoriedade como tarefa escolar.
- A documentación que se envíe para imprimir deberá estará estar exclusivamente relacionada con tarefas e deberes escolares ou apuntamentos(dependendo dos niveis educativos).
- As impresións serán en B/N (lembren non eliminar o arquivo inicial por si necesitan logo ver as cores no documento orixinal)
- O Concello imprimirá a documentación os luns e martes en horario de mañá.
- O Concello entregará a documentación nos domicilios das persoas na maior brevidade posible.
- Imprimirase e entregarase a documentación tendo en conta a orde de entrada no correo electrónico.
Rogamos que remitan a documentación tendo en conta o funcionamento do servizo para que poidamos seguir axudándolles. Así mesmo, teñan en conta as circunstancias nas que nos atopamos (derivadas do Estado de Alarma) e a limitación que isto supón para o funcionamento da Administración e dos seus efectivos.
Por favor, rogamos que para o bo funcionamento do servizo eviten enviar documentación que non sexa imprescindible imprimir(ex. Títulos e indicacións de tarefas moi curtos) lembren que unha persoa desprázase ata a súa casa exclusivamente para isto).
Si teñen calquera dúbida poden poñerse en contacto con nós a través deste mesmo correo.
Moitas grazas pola colaboración.
