Martes, 15 Outubro 2019 16:00

Visita ARGALLAR. Unha exposición para xogar coa aquitectura.

Visita ARGALLAR. Unha exposición para xogar coa aquitectura.

O Concello de Soutomaior organiza unha visita á EXPOSICIÓN ARGALLAR para o domingo 27 de outubro que se ubica no Museo do Monte Gaiás en Santiago de Compostela. Esta visita terá un carácter lúdico e didáctico que se complementará con máis actividades que se desenvolverán durante a xornada. ARGALLAR é un grande artefacto de compendio de xogos a partir da arquitectura e a partir dun concepto: os espazos de relación xerados a través do xogo. Esta visita será guiada e vai dirixida a todos os públicos porque para xogar non hai límite de idade. Desde a Concellería de Educación, trátase, en definitiva, de ofrecerlles ás familias de Soutomaior, pero sobre todo aos/ás máis cativos/as un tempo que transcorrerá dun modo inesquecible, no que conxugar habilidade e diversión a través dos enxeñosos dispositivos lúdicos que se espallarán polo Museo Centro Gaiás e ao alcance de todos e todas.

A xornada ademais contará cun programa máis extenso de actividades que nos farán aproveitar a visita ao máximo e pasar un domingo diferente en Santiago de Compostela. Pola mañá tamén visitaremos un museo moi especial para Galicia, o Museo das Peregrinacións, onde as guías nos explicarán moitas cousas sobre a peregrinación como fenómeno universal, a peregrinación xacobea e o Camiño de Santiago en todas as súas dimensións e a cidade de Santiago de Compostela en canto meta da peregrinación. Unha visita que tamén estará adaptada a todas as idades.

O programa de actividades para esta xornada é o seguinte:

 

10.30 h                                 Saída desde Casa do Concello en Soutomaior .

                   Saída desde Cruce de Pierres en Arcade .

11.30 h                                 Chegada a Santiago de Compostela.

12.00 a 13.30 h                    Visita guiada “MUSEO DAS PEREGRINACIÓNS”              

13.30 a 15.15 h                    Xantar e tempo libre (por conta de cada participante).

15.30 h                                 Reunión do grupo e saída para o monte Gaiás.

16.00 h a 17.30 h                 Visita  guiada EXPOSICIÓN ARGALLAR: para xogar  

                                             coa arquitectura. Museo Centro Gaiás.

17.30 a 18.30 h                   Tempo libre para xogar e experimentar por libre.

18.30 h                                 Reunión no punto de encontro e regreso a Soutomaior

 

 

A participación desta xornada é de balde. A actividade conta coa colaboración de todas as entidades ás que imos visitar e tamén do proxecto TERRA do Colexio de Aquitectos/as de Galicia.

As prazas son limitadas e as inscricións son obrigatorias EN LIÑA ata o xoves 24 de outubro no enlace:  https://www.gabinetesoutomaior.com/index.php/axenda-municipal2/vista-mensual/eventodetalle/2198/visita-argallar-exposicion-para-xogar-coa-arquitectura

 

 


Publicado en Educación
Visto 105 veces


Concellería de Educación
educacion@soutomaior.com

Novos roteiros medio ambientais!

24-10-2019 / Roteiros Medioambientais

Comezamos de novo co programa “Roteiros medioambientais GUIADOS: coñece o teu Concello e arredores" 2019  que organiza o Concello de Soutomaior a través da Concellería de Educación (Soutomaior). Os obxectivos do programa  son coñecer os valores medio ambientais do noso Concello e tamén do noso entorno máis próximo, promover o senderismo como medio para estar en forma e aprender un...

Visita ARGALLAR. Unha exposición para xogar coa aquitectura.

15-10-2019 / Educación

O Concello de Soutomaior organiza unha visita á EXPOSICIÓN ARGALLAR para o domingo 27 de outubro que se ubica no Museo do Monte Gaiás en Santiago de Compostela. Esta visita terá un carácter lúdico e didáctico que se complementará con máis actividades que se desenvolverán durante a xornada. ARGALLAR é un grande artefacto de compendio de xogos a partir da arquitectura...

Recunchos máxicos: dende as Alvedosas ata o Ulló

07-10-2019 / Roteiros Medioambientais

Comezamos de novo co programa “Roteiros medioambientais GUIADOS: coñece o teu Concello e arredores" 2019  que organiza o Concello de Soutomaior a través da Concellería de Educación (Soutomaior). Os obxectivos do programa  son coñecer os valores medio ambientais do noso Concello e tamén do noso entorno máis próximo, promover o senderismo como medio para estar en forma e aprender un...

AVISO PROGRAMA ColeRoteiros

09-05-2019 / Coleroteiros

Queda cancelada a ROTIQUEDADA programada para este venres 10 de maio por causa do mal tempo. Sentímolo! Lembrade que a seguinte será o venres 31 de maio.

Roti visita os comercios e o IES para dar a coñecer os ColeRoteiros

13-03-2019 / Coleroteiros

Este martes 12 de marzo tivo lugar no IES a primeira reunión informativa coas familias para explicar o proxecto de camiños escolares ColeRoteiros. Na mesa informativa participaron  Fátima Vidal – Concelleira de Educación. Noelia Ocampo – Concelleira de Xuventude e Voluntariado. Dirección do IES de Soutomaior. Antonio Duarte – Xefe da policía local de Poio. Impulsor do Proxecto de Camiños Escolares Pontevedra. Elena Rodríguez García...

Aberto o prazo de inscrición para participar nos Roteiros Medioambientais

06-03-2019 / Educación

O Concello de Soutomaior abre o prazo de inscrición para participar no Programa de Roteiros Medioambientais programadas para os meses de abril e maio. Nesta convocatoria temos previsto tres roteiros. O primeiro que se realizará no entorno da Ribeira Sacra "Roteiro polas pasarelas do río Mao" que se celebrará o domingo 24 de marzo. Este roteiro realizarase durante todo o día...