Deportes
Deportes +
Axenda Deportes
Chegou o momento que todos os cativos do Concello estaban a esperar: Mañá abrimos inscricións para as Actividades de Verán.
Todos os empadroados de ata 13 anos e que teñan cumpridos os 3 anos o día 1 de xullo de 2022, poden apuntarse ás Actividades de Verán que, un ano máis, veñen cargadas de animación, diversión e momentos inesquecibles.
Haberá un total de cinco grupos divididos por idades, todos eles cun máximo de 45 nenos e nenas. Así, o grupo ‘A’ contará cos nados os anos 2019 e 2018; o ‘B’ nados nos anos 2017 e 2016; o ‘C’ nados en 2015 e 2014; o ‘D’ nados en 2013 e 2012; e o ‘E’ nados en 2011, 2010 e 2009.
O prezo do plan é de 10 euros, aínda que se dous irmáns están inscritos o terceiro poderá acceder de forma gratuíta.
En canto á programación, o día 24 deste mes publicarase, xunto á lista de admitidos, o programa da primeira semana de actividades. Como vén sendo habitual, nas actividades nocturnas que se celebren, os menores deberán acudir acompañados dun adulto responsable.
Podedes inscribirvos no Pavillón Municipal ou no Concello, lembrade que en caso de superar o número máximo de prazas, darase prioridade por orde de inscrición.