Os equipos de fútbol de veteranos do Verduxo Soutomaior e Veteranos Arcade conseguiron o ascenso á división de honra de veteranos proclamándose campión o Verduxo Soutomaior e segundo clasificado o Arcade Vet. despois dunha intensa liga nas que os dous acabaron cos mesmos puntos (72) pero decidiuse o titulo polo golaveraje particular entre eles.
Desde o Concello de Soutomaior felicitamos a todos os integrantes destes dous clubs e sobre todo felicitar ás súas cabezas visibles como Miguel, Iván e Tero polo seu traballo nestes últimos anos que son recompensados con esta magnífica campaña que acaba co ascenso dos dous equipos do Concello de Soutomaior.