"NACIÓN", proxectarase este sábado 3 de xullo ás 22.30h en Talo Río, Arcade no marco do Ciclo de cinema galego que deu comezo no mes de xuño e que o Concello de Soutomaior pechará este sábado coa proxección deste filme da cineasta Margarita Ledo Andión (1951, Castro de Rei, Lugo).
Margarita é unha relevante figura da cultura galega, cineasta, escritora e catedrática de Comunicación Audiovisual na Universidade de Santiago de Compostela (onde tamén exerceu como Decana).
Este filme trata sobre a fábrica galega de louza Pontesa pechou en 2001. Vinte anos despois, á espera de sentenza sobre a súa reclamación de débeda pendente, un grupo de traballadoras lembra o símbolo da súa liberdade individual, a súa emancipación económica e a súa loita sindical. Nieves, Ester, Manuela, Carmen P. e Carmen A. manteñen viva a pelexa polos dereitos da muller na España do século XX. A historia das súas vidas desprégase en presenza da esfinge: reclama a memoria das operarias do téxtil, a louza e a conserva e anuncia voces e arquivos que engarzan tempos e corpos diferentes. Traballar sen cobrar? Iso nin falar.
O aforo cubrirase por orde de chegada ata completarse segundo as restriccións vixentes.