A BIBLIOTECA MUNICIPAL DE SOUTOMAIOR ORGANIZA UN NOVO CLUB DE LECTURA INFANTIL
A actividade é totalmente gratuíta e está dirixida a nenos de 6 a 9 anos.
Os clubs de lectura infantil volven a Soutomaior de man da biblioteca municipal Luís Seoane en Arcade.
Trátase dunha iniciativa educativa, totalmente gratuíta que pretende espertar o amor polos libros e a lectura entre os máis pequenos.
Os clubs de lectura infantil son un lugar de encontro quincenal para nenos e nenas da mesma idade, xa sexan lectores ou prelectores, baixo a supervisión da especialista en educación infantil, Conchi Tirado.
Mediante diversas actividades como a pintura, o xogo e a música os pequenos aprenden gozando en compañía dos seus amigos.
Os membros do club de reúnen os mércores de semanas alternas e para este mes o libro seleccionado é “O oso que non o era”, de Frank Tashiln.
Un clásico da literatura infantil que nos presenta unha fermosa defensa dos débiles, que axudará aos nenos para involucrarse cun mundo máis armonioso, onde non exista a discriminación.
A inscrición poderá realizarse a partir de mañá, 5 de febreiro, ata completar as 10 prazas dispoñibles.