Sábado 29 de agosto ás 22,00 h. – Alameda Talo Río
“DA TERRA” é o espectáculo do gaiteiro e frautista pontevedrés OSCAR IBÁÑEZ no que percorre os temas máis destacados dos seus traballos “ALÉN DO MAR” e “AIRES DE PONTEVEDRA”* (Inquedanzas Sonoras, 2017) ao tempo que revisa outras melodías tradicionais enriquecéndoas con arranxos frescos e cos timbres da súa banda de directo *OSCAR IBÁÑEZ & TRIBO*, co fin de contribuír á actualización e universalización da nosa música patrimonial, respectando ao tempo a súa esencia.
En definitiva, unha espectacular e enérxica viaxe sonora a través música tradicional galega chea de orixinalidade, imaxinación e creatividade nunha mestizaxe musical innovadora na que predomina a sonoridade celta.
"OSCAR IBÁÑEZ & TRIBO" está formada por excelentes músicos de longa e recoñecida traxectoria que formaron parte das bandas dos artistas máis destacados da música folk galega como *Fernando Fraga* (Carlos Núñez), acordeón; *Harry.c *(Milladoiro), violín; *Carlos Calviño *(Roi Casal), guitarra; *Paco Dicenta *(Mercedes Peón); baixo e *Andrés
Vilán *(Pepe Vaamonde Grupo), batería e percusión. Neste espectáculo
súmanse 6 músicos convidados: Pepe Romero e Jorge Maño (Banda de Gaitas Suevia), gaitas;
Daniel García, Álvaro Rúa e Rocío Fernández (Banda de Gaitas Nova Era), gaitas; Carla Villanueva, xilófono.
"OSCAR IBÁÑEZ & TRIBO" realizou máis de 200 concertos por toda a Península Ibérica, Bretaña e Italia participando nalgúns dos festivais internacionais máis importantes do mundo.
O concerto conta coa colaboración da Deputación de Pontevedra a través do programa Musigal.